بصراحه أنا قبل شهرين بديت بالرجيم او بالأحرى تخفيف الاكل كنت اكل اللي اباه بس ابتعدت عن الحلويات والغازات وكنت اشرب ماي واستخدم سكر دايت وكل شي دايت مثل الجبن والحليب وغيره ….
كنت اتغدا بس ما اوصل لحد الشبع ومستحيل اشرب ماي مع الاكل وعاالعشا اكل شي بسيط
ووقت الاكل كنت اكل على راحتي يعني شوي شوي واسد يوعي وبس ما ازيد
وأمارس رياضه متنوعه لمده نص ساعه ومرات ساعه المهم في الساعه اعرق صح وبعدها أتسبح
واشرب شاي اخضر 3مرات يوميااا
ونزلت 4 كيلو تقريبا في مده شهر ومن بعدهاا تعاااايزت ورديت اخرب في اكلي وماخليت شي وما اكلته بس الحمدالله انه وزني ثبت يعني كان يزيد كيلو او نص ويرجع …
المهم قبل اسبوع بديت رجيم وبصراحه أنسدت نفسي عن الاكل يعني عادي اكل الصبح صمونه وكوب شاي وطول اليوم ما اكل شي ونزلت كيلوين تقريبااا بس لاحظت أنه اذا اكلت شي دسم حتى لو وجبه وحده ارجع الكيلوين بسرعه
فعرفت انه الحرمان ما منه فايده واللي يروح بسرعه يرجع بسرعه
فقررت ابدل كلمه رجيم بكلمه تخفيف ومن بأجر ببدا ان شاء الله وناويه انزل من وزني 10 كيلوووو في شهرين او اقل
بس اهم شي الرياضه والحركة الشاي الاخضر …
واللي يبا يشاركني حياه الله وان شاء الله أنشجع بعض ومب شرط تدخلين كل يوم وتكتبين المهم انج متابعه معانا ونستفيد ونشجع بعض والي عندها استفسار او سؤال او مشكله بنحلها مع بعض ..
يعني تكتب شو الخلطه اللي نفعتها
او شو الرياضه المفيده
وغيرها من الامور
ومنها ندردش ونسولفونتعرف على بعض ومثل مايقولون محد يحس فيك الا اللي عاش معاناتك
والاحسن اللي تبي تشارك معانا تكون تبي تنقص 15 كيلو ونازل واهم شي مانستعيل في النتيجه عشان لا نندم بعدين
واهم شي الصبر ثم الصبر ثم الصبر يعني لا تقولين ليش مانزلت وايد حتى لو غرامات اهم شي انج نقصتي ولا تنسين انتي ماتحرمين نفسج انتي تخففين
والهدف الاول والأخير اللي اخسره من وزن ما ارجعه
والميزان يكون بعد اسبوع من بدايه الرجيم
وانا ببدا
بسم الله
وزني الحالي :69.5
الهدف الاول :65
الهدف الثاني : 60
وتوكلنا على الله
الوزن الحالي:65
الهدف الاول:60
الاخيـــــــــــر:56
طــــــــــــولي:161
أنضم للتحدي و خسارة الوزن .gif "13 (23)")
وزني سابقًا : 47 واذا زاد ما يوصل اكثر عن 50
بس احين زاااااااااد ووصل 63 ><
الوزن الحالي:63
الهدف الاول:55
الاخيـــــــــــر:53
طــــــــــــولي:161
انا اهم شئ شكلي ما يتغير مب مهم كم وزني ^_^
مابا امتن بزيااادة
المشاركة الأصلية كتبت بواسطة نبض ألبي 
الوزن الحالي:65
الهدف الاول:60
الاخيـــــــــــر:56
طــــــــــــولي:161
أنضم للتحدي و خسارة الوزن
حياج الله ختيه والف مبروووووك مقدماااا
ما دامج اشتركتي بجم أنا ابشرج من الحين انج بتنقصين اهم شي الرياضه
ومع تخفيف الاكل ….
وان شاء الله نشجع بعض ونفرح فيج حياااااااتي
ونورتي موضوعي
المشاركة الأصلية كتبت بواسطة reeeshaaa كل اعتمادي على الرياضه
و زني ثبت عند 70 ينزل بصعوبه
اتبع نظام السعرات آكل كل شي لكن بمقدار بسيط
احاول ابعد عن النشويات و اهتم اكثر بالفواكه والخضار
يوم آكل شي فيه دهون أو نشويات أحاول أعوضه بالوجبه اللي بعدها أقلل منها أو ممكن الغيها
حسيت نظام السعرات هو الأنسب لي لأنه ما يحسسني بالهبوط والتعب على العكس اي دايت اتبعه يتعبني و يخلي ويهي شاحب الكل يقولونلي بتموتين بسج ريجيم لذلك اعتمدت نظام السعرات
والعب رياضه عندي سيديات العب عليها
و اللي تبا سيديات انا ممكن اوفرهم لها
صراحه احس الرقص الشرقي أفضل من الايروبكس
ممكن ايلس ساعه او ساعه ونص ارقص احس بطني تحسن وايد عن الأول
و استوالي خصر
و سمعت ان الرقص ينزل سعرات اكثر عن الأيروبكس
يعني لو بتحرقين 100 سعر بالايربكس
بالرقص تحرقين 200 سعر
لين الحين مستمره على الرياضه يوميا من ساعه لين ساعه ونص
يمكن وزني ينزل ببطء لكن جسمي متناسق و مشدود بسبب الرياضه
و ما يبان علي وزني الكل يعتقد انه اقل لكن انا مو مقتنعه و حابه انزله
وزني الآن 70
الهدف 55
طولي 155 سم
ادعولي
مرحباااا بج ختيه
وياعيني عالرقص الشرقي أنا
فهشي ماكذبتي بصرااااحه الرقص يساعدج واااايد انج تخسرين من وزنج وعن تجربه
ختيه دام ثبت الوزن عندج 70 انتي شرااااتي فلازم نزيد من الرياضه شويه لانه الجسم خلاص تعود على الرجيم
ومعروف اي شخص يبدا برجييم لازم يوصل لوزن معين ويثبت فلازم نزيد شويه من الرياضه ولازم ناكل بعد عشان نقدر نحرق الدهوووون
وان شاء الله تقدرين تساعدين البناااات بالسيديات اللي عندج
المشاركة الأصلية كتبت بواسطة الحور||~ وزني سابقًا : 47 واذا زاد ما يوصل اكثر عن 50
بس احين زاااااااااد ووصل 63 ><
الوزن الحالي:63
الهدف الاول:55
الاخيـــــــــــر:53
طــــــــــــولي:161
بصراااحه كلنا نبا ناكل عشان جي الهدف من موضوعي مب الحرمااااااان التخفيف من الاكل يعني كلي اللي تبينه بس بحدود ولازم تلتزمين بالرياضه عالاقل لمده ساعه في اليوم
ولو تقدرين تخففين من السناك والغازات مره وحده في السبوووع يكون احسن ولمصلحتج طبعااااا
ومرحبااااا بج معااانا
انا اهم شئ شكلي ما يتغير مب مهم كم وزني ^_^
مابا امتن بزيااادة
واعرف انه هشي ياخذ وقت
كلنا نبا تضعف بسرعه بس شو الفايده اذا رجع الوزن كله وزياده بعد
هدفنااا ناكل بس بحدود ونلعب ريااااضه بانواااعها
ولا ننسى الماي والشاي الاخضر
ترى الماي يساعد على طرد السموم اللي في الجسم
وان شاء الله اللي تبي تشاركناااا حياه الله
وبنبدا من يوم السبت اذا أراد الله
والميزان بيكون كل جمعه
واعرفي حتى لو نقصتي غراااااامات خير ونعمه