سويت الحجامه من يومين
ومعظمهم كان معارض حتى ريلي ويالله يالله اقنعتهم امي تقول الحرمه مب لازم تسوي حجامه لانها اصلا تيها الدوره
وريلي يقول انتي مب عيوز وابويه نفس الشي
انا قلت بتوكل على الله والرسول لى الله عليه وسلم موصي بالحجامه
( إن في الحجم شفاء )) محمد رسول الله – متفق عليه
يتني وحده عراقيه البيت شو هالانسانه شو اقول عنها
قمه في الذوق ارتحت لها لانها وايد تقراء انا كنت اخاف من سالفة التشريط بس بصراحه موووول ما حسيت فيه
قلت لها انا من ولدت بولدي والحين عمره سنتين واربع شهور ما حملت ما اعرف شوه السبب
وسوت لي الحجامه عند الظهر وفي نص الظهر علشان تنظم افراز الغدد
وعند الخواصر وفي نص الخصر وعند الريل
لو تشوفون شوه لون الدوم اللي يطلع لونه غامج وااايد وكثيف لدرجه انه يكون متجلط كأنه قطعة لحم
واللي طلع من ريلي اليمنى شي غريب لاني اقدر اشوفه الدم اشوفه يطلع مع فقاعات جنه بيبسي
قاله هذي غازات ورطوبه في الجسم
سبحان الله
تعرفون كلمة ريشه وكيف الاحساس
حسيت عمري خفيفه
وانا دايما عندي صداع الحمدلله الحمدلله احس راسي خفيف وعيوني برقاً
وويهي كانت فيه صفره وراحت
الحمدلله
هذي تجربتي واتمنى انكن تستفيدن منها
انا عمري 23 سنة وفيني خمول في الغدة الدرقية ، شو سببها ؟ الله اعلم
ويوم قريت عن العلاج في الطب النبوي طلع ان الحجامة وايد زينة فقررت اسويها
بس امي ما تنصحني واتقولي االي يحجم مرة بيتعود جسمه يجدد الدم عن طريج الحيامة فلازم دوم تحجمين !!!!!!!!!!!!!!!!!!! هالكلام صح ولا اعتقادات عند امي مادري بها ،،، فديتها خايفة علي بس بس شو رايكن باللي تقوله ؟؟؟؟
وفي حد منكن يرب الحيامة عشان الغدة واستفاد؟؟؟
إلي فالريل للحمـل ولا لشـي ثانـي .. ؟؟؟؟
ان شاء اللـه تحمـلين هالشهـر
والله يرزقنا جميعا بالذريه الصالحه
بس ماعرف وين اسوي فالعين
والعيازه مشكله بعد ,,
بس يزاج الله خير انج كتبتي تجربتج
لان انا دوم اتييني دوخه من سنين هالشي ,, وغير جي احس بتعب هالفتره وخمول
ان شاء الله بسوي جريب لو لقيت مكان زين فالعين
انا يوم الثلاثا بتحيم و الصراحه شوي خايفه