انا عضوة يديدة عندكم.. بس اللي يلاحظ مواضيعي بيعرف اني معسكرة في هذا القسم..
وايد احب المكياج والفاشن.. ومع اني ما طرحت غير موضوعين من قبل .. بس لاحظت ان الردود جدا قليلة وكنت استغرب.. هالمنتدى اعضاءه اكثر من مدونة ثانية انا اشارك فيها.. بس الردود قليلة جدا بالمقارنة..وهذا الشي وايد يحبط بصراحة..
فقررت اليوم احط موضوعي واشوف.. ان شاء الله الردود تكون نص عدد المشاهدات..
.. او ثلثها.. او ربعها.. المهم اعطوني امل اكمل..
*****
اليوم موضوعي عن تجربتي الخاصة.. انا اجرب كل شي.. وكنت اسمع وايد عن المنتجات الكورية وقلت بجربها.. مع انها غالية بالمقارنة بغيرها.. بس وايد حبيت التجربة..
اول منتج هو : The Face Shop Clean Face Spot Corrector
وهاي صورته
هذا من افضل ما جربت.. هو كريم للبقع مال حب الشباب او غيره.. تغسلين وجهج عدل وتحطينه قبل ما تنامين.. وتشوفين النتيجة الصبح 
..
انا جربت نفس المنتج قبل على شكل لزقات صغيرة تحطينها على الحبوب.. ويوم حسيته مفيد اشتريت الكريم كامل.. وانا عشان استفيد اكثر.. احط الكريم على البقعة اللي اباها تخوز واحط لزق شفاف فوقها.. عشان يتركز الكريم على المكان طول الليل..بتلاحظين البقع خف اثرها او اختفت تماما..
*****
Etude House Sleeping Facial Pack (Pore Tightening)
هذا كريم ما قبل النوم يسكر المسام.. وايد حلو وفعلا يسكر مسام البشرة..بتلاحظين بنفسج عقب كم يوم..
*****
Etude House Face Designing Brightener
هاي البودرة يحطونها بعدالفاونديشن على اماكن معينة على الويه مثل الجبهة واعلى الخدين.. تعطي اشراق للوجه ولمعان.. انا احطها الصبح على كريم الوجه بس.. بس الاحظ الجسم يمتصها بسرعة.. بس على الفاونديشن تم اطول..
*****
Missha The Style Mascara 4D
هذي من اسوا الماسكرات التي استخدمتها.. كله تتكتل وتحسينها ثقيلة..مول ما احبها..
*****
Tonymoly Floria Whitening Capsule Essence
هذا بلسم للتفتيح..فيه حبيبات تذوب بس تلمس البشرة.. يحطونه على بشرة نظيفة قبل النوم.. ملمسه وريحته حلوة.. ويمتصه الجلد بسرعة.. ماشفته اثر وايد..يعني مش واو.. بس انا ما جربته اكثر من اسبوعين.. برجع له عقب فترة وبخبركم ..
*****
ماسكات البشرة..
ومعروف عن الشعب الكوري حبه للماسكات..انا جربت انواع وايد ولاستخدامات وايد.. اللي فعلا مفيد هو مال شركة Etude House>>> سويتلهم دعايا.. يمكن يطرشون لي كرتون من اغراضهم
*****
اخر شي بعرضه اليوم لاني تعبت هو Etude house Juicy Cocktail Gradation Nails
وهم مجموعة من ثلاث ينحطون على طبقات..احبهم كنوع من التغيير.. والالوان راكبة على بعض.. فممكن تبتدعين انتي وافكارج.. يمكن اراويكم تطبيقي في موضوع ثاني…هاي الصورة من موقعهم..
بس خلاص تعبت.. انا سويت الموضوع للفائدة العامة.. وكل اللي اباه منكم ردود حلوة.. واي اسئلة انا حاضرة 
هلا الغاليه …
حبيت اسال من وين تشترينهم ..
حبيت الكريم .. وخاطري اجربه ..
الغاليه بكم اسعارهم
لاني اعاني من بقع بني فاتحه (نمش خفيف)
هل ممكن يخوزهم؟
وعندي مسام هل كريم المسام مناسب
لاني اعاني وايد من المسام وهالبقع
كم الفترهةالي استخدمتي هالمنتجات و حسيتي بالفرق بليززززز خبريني يزاج ربي الجنه
بس سؤالي من وين اشتريتيهم ؟ وكم اسعارهم؟؟؟
حتى اللزقات الي رمستي عنهم وين ممكن احصلهم