شخباركن خواتي الصراحه انا مب عارفه كيف ابتدي موضوووعي
المهم الاحسن ادخل بالموضوع على طول بدون مقدمات في يوم قريت موضوع الاخت الفراشه الحزينة ( تطول الشعر,تكثفه,وتنعمه في ستة ايام )
الصراحه انا قريت الموضوع وسويت الخلطه بالضبط واستخدمتها لمدة ستة ايام بالضبط وعقبها … في كل اسبوع استخدمها مرتين … وعقب يوم واحد بالاسبوع لمدة ثمان ساعات مثل ما انكتب في الموضوع
بس في البدايه تخوفت من ريحة الثوم وزيت دابر املا بس خذت بعد بنصيحه احدى الاخوات انه للتخلص من الريحه عقب ما خلصت من غسل الشعر بالشامبو من الزيت مرتين اذوب ثلاث ملاعق نسكافيه في كوب واصبه على شعري وافركه واشطفه عدل …. وعقب احط البلسم واغسله عدل وانشفه من الماي وما احط شي لا كريم ولا اي شي لترطيب الشعر
والحمد لله … الحمد لله … الحمد لله
ان شعري صار اوكي توقف من التساقط وصار ناعم والله ان في شعر صغيرون بدى ينموو واستغنيت عن السشوار
بس خلوا عندكم صبر وسووووووووها
وهاي رابطة الموضوع
https://uaewomen.net/showthread.php?t=71557
ودمتم سالمين
مشكووووووورة ختيه الفراشه الحزينة
اكبر بوووووووووووووووووسه ^ــ*
بس نواة التمر اطحنة و لا شو
واذا ما عليج امارة ممكن اتقوليلنا الطريقة اللي انتي سويتيها بالضبط + المقادير
مبرووووووووووك حبيبتي تستاهلين
وبالتوفيق
بس جم صارلج تستخدميها الحين؟ كملتي شهر
المشاركة الأصلية كتبت بواسطة nawar999 
بس نواة التمر اطحنة و لا شو
واذا ما عليج امارة ممكن اتقوليلنا الطريقة اللي انتي سويتيها بالضبط + المقادير
فالج طيب ختيه
طريقتيه الي هي
1 – يبت نواة التمر مقدار كوب كامل بلاستيك الي نشرب فيه الماي انزين وحطيته في مقلاه وحمسته على النار لين ما غمق لونه
2 – وعقب يبت عين الجمل الي هو ( جوز ) بنفس مقدار نواة التمر وحمسته على النار بعد ويبت المدق ودقيت النواة وقب ما خلصة دقيت عين الجمل لين ما يصيرون شرات البودرة ..
3 – ويبت حلبة وبعد طحنتها انا خذت منها مقدار فنجان القهوة ….
4 – وعقب يبت بصلتين فرمت وحده فرم ناعم جدا وحطيتها في مصافى عسب ناخذ مايها عقب والثانيه قطعتها قطع متوسطه ….
5 – وعقب يبت الثوم ….2 ثوم( فصين) مقطع قطع صغيرة و5 فوصو ثوم مفروووم فرم ناعم وبعد تحطينه في مصافى عسب تستخدمن الماي
6 – وعقب يبت ربطة جرجير وضربتها في الخلاط وعادي زيدي له شويه ماي عسب تسهل عملية االضرب في الخلاط لين ما يصير عصير
7 – ويبت زيت دابر املا الاصلي (الاخضر) وفضيته في غرشة ماي فاضيه وعقب ضفيت عليه زيت جوز الهند وعقب زيت الأس ودهن الورد هي تييج على شكل بودرة بعد فضيها في الغرشه
وعقب يبت فلفل اخضر لي هو الهندي الحار وقطعته وحطيته بعد في الغرشه وضفت قطع البصل والثوم وعصير الجرجير وماي الثوم والبصل في الغرشه وبعد نواة التمر وعين الجمل
وتحطينه لمدة يوم كامل للتخزين مشان ياخذ مفعوله وثاني يوم استخدميه وغطي شعرج بكيس نايلون انا كنت ادهن شعريه بالزيت والخلطه الي تكون في القاع افرك بع الاماكن الي ما فيها شعر والحمد لله والحمد لله انه بدى نمو في راسي
وخواتي والله يوم تحطن الزيت حطيه على شعر نظيف يعني مغسول
وانتي تحطين الدهان على شعرج رددي ( بأسم الله البديع ) لين ما تخلصين من دهن راسج
ويوم تسحووونه ردديها بعد وان شاء الله راح تشوفون النتيجه
والاهم تستعملون شامبو مب كيماوي وانا الصراحه اخذه من عند ريال عطار عندنا
وان شاء الله موفجه ختيه
المشاركة الأصلية كتبت بواسطة دلوعه_باباتي مبرووووووووووك حبيبتي تستاهلين
وبالتوفيق
بس جم صارلج تستخدميها الحين؟ كملتي شهر
الله يبارك فيج
صارلي تقريبا شهر
انا استخدمت نفس الخلطه بس ماناسبتني وعقت شعري
يمكن هي مثل ماقالوا البنات شعور تنفع لها وشعور ماتناسبها
الله يبارك لك اختي وتشوفينه مثل ماتتمنين ؛؛