اشحالكم بنات انشالله بخير… بغيت أخبركم عن طريقتي في محاولتي لأزالة خطوط السليولايت من ريولي وبالخصوص منطقة الأرداف
انا من فترة قبل لا اسجل في المنتدى كنت قاريه طريقة وحدة بتجربتها الشخصية قالت نسوي مساج على المنطقة اللي فيها خطوط وقالت يفضل بليفة وتكون البشرة ناشفة أحسن يعني بدون زيت
ونا سويت يوم الثلاثاءاللي طاف
وعقب نسوي مساج لين ما تحمر المنطقة وأنا سويت والله يعلم كيف تألمت
على فكرة هي قالت عادي الألم والعلامات بتروح بصراحة أنا سويت اللي قالته وعندي المنطقة صارت حمرا بس ما ظهرت الدم لكن عقب ماوقفت الفرك بالليفة دهنتها بزيت زيتون بس عالفاضي كلها دقايق والله وصارت المنطقة متيرحة وكلها دم تعرفون شو يعني دم !! دم يابس وشكله يزيغ والله حتى تميت أصيح من الألم ويوم راويته خواتي انصدمو ما تتصورون اشقايل استوت المنطقةوبالعافية داومت الأسبوع اللي طاف
وهلأسبوع المنطقة شراة ماكانت الألم شوي خف بس الدم اليابس بعده ماراح والمنطقة سمرت
والقهر خطوط السليولايت مكانها… لا تقولولي اني استخدمت الليفة وايد المنطقة حمرت لكن بعد ماوقفت طلع الدم وعقب استوى يابس
بغيتكم ما تستعيلون وتسوون شي بالمعقول ومب كلشي ينكتب في المنتدى صحيح
مابقول غير الله يسامحج ياللي كنتي كاتبة الموضوع وانتو استفيدو يابنات من تجربتي
السموحة
هو مثل قشرة الليمون اماالخطوط في لها كريم يشيلها وبعد سيلولايت له كريم
من كلارنس يساعد انه يروح مع الدلك الخفيف انت لازم تساعدي نفسج على تغيير
اسلوب الاكل الجلد مهما كان يظل حساس الله يسامحها الاخت لي شارت عليج يمكن
هي نفع معاها ومعاج مانفع انت سوي هاطريقة وبيروح باذن الله بس يباله وقت .
والاثر لي ظل ماعليج غير بالحنة والداد مع الحمام المغربي راح يروح من جسمج
عاد لاتحطين ليمون ويا الخلطة يسود بعدين انت يوم تسيرين الصالون راويهم هم
بيفيدونج ان شاء الله الله يوفقج.
الناعسة 6
PinkyH
غلا العين1
مشكورين عالدخول وشكلي صدق انخبلت يا الناعسة 6 ههههه يوم فكرت أجربها حسيتها منطقية شسوي عاد
الله كريم