شحالكن بنات
اليوم حبيت اسوي هالتجمع عشاان نأزر بعضناااا
ونساعد بعض لتخلص من الحاسيس والمشاعر السلبيه والحساس بنقص كون إنا متخرات عن الزواج
هالتجمع مفتووح للكل لي تبا تفضفض حيااها ولي الآفكار السلبيه مسيطره عليها حيااها
بننصح بعض وبنفيد بعض وبندعي لبعض
آتمنا نستفيد من هالتجمع 
العمر مضى واحنا على حالنا
ثلاثة اشياء تذكروها دوماً يالغاليات
ربما هالتأخر فيه الخير لكم وانتن لا تعلمن
اكثرو من الاستغفار وقيام الثلث الاخير من الليل
ولا تنسو الصدقة
والله كريم فديتكم والله .,
۩ ۩۩ ۩۩ ۩۩
*•.¸.•* بِسْمِ اللهِ الْرَّحْمَنِ الْرَّحِيمِ •¸ .*•
قُلْ هُوَ اللَّهُ أَحَدٌ ۞ اللَّهُ الصَّمَدُ ۞ لَمْ *•
يَلِدْ وَلَمْ يُولَدْ ۞ وَلَمْ يَكُن لَّهُ كُفُوًا أَحَدٌ *•
*•.¸.•**• صدق الله العظيم *•.¸.•* *•
۩ ۩۩ ۩۩ ۩۩ ۩۩ ۩۩ ۩۩ ۩۩
اولا جزيتي خيرا ع هالتجمع,,
الزواج هب نهاية الدنيا فديتج..
انا وحده منكن عمري 27 سنه حاليا,,ومره صج اييني شعور واصيح واخيس نفسي دموع بعدين اقوم اضحك ع عمري واقوول ليش مسويه بعمري جي..
الحمدلله نحن ماقاصرنا شي ولكن النصيب والله ما اخر زواجنا الا لحكمه نحن نجهلها,,شوفن نحن عارفين هالشي وفوق هذا متذمرين ونقول ليش نحن ماتزوجنا,,سبحان الله ,,انا ايلس مع عمري وانصح عمري واقول اخر مره ايليس اصيح بس ماكو فايده مره جي ومره جي..مره احس بحزن اقول محد شراتي ومره افرح فرح الارض ماتشيلني,,ومن كثر وناستي ودي اطووف ع النااس كلها ابوسها ههههه..
الحمدلله نحن بنعمه وصحه والزوج بيي بيي بعدين بنقول ايام العزوبيه وينها,,مني وحده مابقول خخخخ.
انزين والشي تراه الي يضيجني انا اسالة الناس ليش وليش؟؟ كاني يالسه بمقطعه الحمدلله عايشه عند اهلي وماشيه امووري..ودرست وخلصت دراااسه واخذت دورات تدريب ومعاهد..بس يرجع لي الحنين اني اكون زوجه وام,,ياسبحاااان الله,,
الله كريم صدقني ونحمد الله ..
منين بتمشي معاي ع هذا الشي..قراءة سورة البقره يوميا,,مع الاستغفار وقيام اليل والصدقه,,ونسوي هالشي تقربا لله وليس للزواج ونحمد الله,,
ربي كريم ومتاكد وااثقه كل الثقه انه بيعطينا الاحسن باذنه ..واذا ع الاهل تراه مارفضو عنا الا الناس الي ماتناسبنا والي الله مب رايدها لنا والله ادرى بمصلحتنا ولو الله كاتب بيصير هالشي والاهل بيوافقون ..
نحن بنعمه وايد عندي كلام بس ان شااااء الله بقوووله مرات قادمه
احين بروح اتصفح باقي المنتدى عن يفوتني شي ههههههههههههه
الحمد لله بكمل 5 سنين من اشتغلت … ناجحه جدا ف دوامي…. روحت الحج … ناضجه … وسعيده جدا تبارك الله … ومع مرور الايام بديت احس بقيمة وايد اشياء كنت غافله عنها … وهذا كله فيه خير وصلاح لي…
وربي يوفقنا جميعا لما يحبه ويرضاه ..