شفت فالقسم تجمعين للبشرة الجافة و البشرة العادية المختلطة
فقلت ليش نحن ما نسوي تجمع بعد و نفيد بعضنا ؟
أي وحدة بشرتها دهنية تتفضل هني
و تشاركنا مشاكلها + تجاربها + حلول
و إذا حابة تعرفين نوع بشرتج الصحيح 100%
راجعي أخصائية بشرة و راح تحدد لج نوع البشرة لأنه وايد بنات ما يفرقون بين الدهنية و بين البشرة المختلطة
المهم برجع أثري الموضوع بالطبع و لكن بعدين
حياكم إلى ذلك الحين 
بس احيانا احس المنظفات القويه تجففها بقو فاحاسب من هالشي واستخدم غسول فيشي الاحضر مره باليوم ومره كريم غسول من هيمالايا
الحين استخدم ماركه امريكيه بالصبار وبعطيكم حكمي عليها عقب فتره
سوري بنات ع الخربطه كمبيوتري معلق واستخدم كيبورد انجلش ما فيه حروف بالعربي
المشاركة الأصلية كتبت بواسطة mischocolat 
بس احيانا احس المنظفات القويه تجففها بقو فاحاسب من هالشي واستخدم غسول فيشي الاحضر مره باليوم ومره كريم غسول من هيمالايا
الحين استخدم ماركه امريكيه بالصبار وبعطيكم حكمي عليها عقب فتره
سوري بنات ع الخربطه كمبيوتري معلق واستخدم كيبورد انجلش ما فيه حروف بالعربي
هلا والله
فيتشي ناوية عليهم قريبا بتجه للماركات المتوسطة الأسعار جربت من الجمعية و باءت بالفشل
الحين بصور و بطرحلكم تجاربي المتواضعة
نورتي حبيبتي و المختلطة ما تفرق عن الدهنية وايد خصوصاً التي زون
وانا لما كنت بفترة المراهقه كنت استخدم فير اند لفلي وايد طلعلي حبوب
والحين بشرتي فيها اثار او بمعنى حفر بالوجه ناحية الخدود ومساماتي مفتوحه بسبب الجو الحار لازم ثلج لتسكير المسام او محلول تسكير المسامات
ولازم انا وانا منظفه الوجه عدل والا بشرتي بتبهت
وانتوا تعرفوا البشره البيضه اتفه سبب يشوهها
بس حاليا اعاني من اثار الحبوب اللي اهيه مزمنه
وبشرتنا ما تحتاج مرطب
المشاركة الأصلية كتبت بواسطة بنت خورفكان 3 وانا لما كنت بفترة المراهقه كنت استخدم فير اند لفلي وايد طلعلي حبوب
والحين بشرتي فيها اثار او بمعنى حفر بالوجه ناحية الخدود ومساماتي مفتوحه بسبب الجو الحار لازم ثلج لتسكير المسام او محلول تسكير المسامات
ولازم انا وانا منظفه الوجه عدل والا بشرتي بتبهت
وانتوا تعرفوا البشره البيضه اتفه سبب يشوهها
بس حاليا اعاني من اثار الحبوب اللي اهيه مزمنه
وبشرتنا ما تحتاج مرطب
هلا غناتي
شحالج ؟
بالعكس البشرة الدهنية تحتاج مرطبات الكل يقول لا لأنها دهنية بس قلة الترطيب مب زينة مول والله
بالنسبة للمسامات لازم تونر و أنا جربت تونر لوريال الصراحة مب شين و مب زين لكن ما عيبني ، مساماتي صغيرة بس حسيتها صارت أقل وضوح (سامحوني ما صورت لأني سرت صوب الوديان و الحين ما أقدر أصور أتريا نور الشمس إن ربي أحياني )
المهم يالغالية فير آند لفلي مب زين أنا إستعملته و كان ويهي نظر هاييج الفترة من ودرته صار شاحب و حبوب صغيرة طلعتلي
بالنسبة لآثار الحبوب عندي صديقة مختصة بسألها لج بحول الله
و نورتينا
وسجلوني معاكم ومعا بنكون اصحاب البشرات المذهلة خخخ
بنات اول شي عندي كم سؤال:
1 ) شو هو ال toner ومتى ينحط ؟
2) وشو هو الserum ومتى ينحط؟
3) وشو هو الcleanser يعني لازم نستخدمه؟
وشكرا على التجمع المفيد