تجهيزات البنوتات للعيد ؟؟؟؟؟ 2024.

شخباركم خواتي وشخبار العيال معاكم والسهر بدون مدارس الله يعينا …. بما ان رمضان على الابواب وربي يبلغنا ويبلغ جميع المسلمين يارب …اكيد الكل يجهز للعيد وبا الاخص البنوتات الحلوات طبعا البنات كشختهم اكثر وميزانيتهم اكثر ربي يحفظهم هههه … واييد هذربت المهم شو رايكم كل وحده اتحط شو اشترت حقهم من ناحيه اللبس الاكسسوارات وغيرها …في البدايه بحط صور شباصات بنوتاتي وربطاتهم …. ها لا تنسون أريد حماس في الموضوع وكل مره بنزل شي … بحمل الصور على الموقع وراجعه لكم …

بعدني ما شريت لبنوتي شي خخخخخ

أنا هذا أول عيد لها ان شالله ومب عارفه شسوي أبيها تكون مميزة

انا فصلت حق بنوتي بروحي مسوتنه ^^

صورته فتوقيعي حق اول العيد ووياه شباصات

والثاني خذته جاهز من تركيا حق ثاني العيد

بصوره يوم برد البيت

وخذتلها كم لبسه بعد حق عقب العيد من تركيا

وشفت فستان فبربري عيبني يمكن اخذه ^^

واواااوو وايد نايس يا خيوط
ان شاءالله بسير اشوف مصمماات ملابس اليهال و ان شاءالله احصل شي يعيبني ان شاءالله احصل شي نعوم و مريح فاللبس بنتي فديتها وايد صغيرة وضعيفه ححبيبي (هذا لأول يوم) + اكسسوار للشعر وبعدين بدور شوز من اي مكان . . ثاني يـوم و ثالث يـوم باخذ لها مريح من (كارتز) فساتين او بدل . .
+ ملابس داخليه اوفر اول 3 + زلاغات + شوز + ربطات للراس لان كتكوتي شعرها ما يمسك التك تك هههه مافيها شعر لين الحين + باق للعيديه هههههه وبعد شونسيت؟؟؟
هيه باخذ لها حيول ههه وان كفت الميزانيه باخذ لها طقم نعوم مال اليهال ويا فستان اول يـوم
.
.
.
وبس و ان شاءالله من نهايه الاسبوع بعد 5 ايام ببدأ اخلص مشتريات عيون ماماتها نونوتي
.
.
^^

هيه نسيت بعد باخذ لها 3 بيجامات يداد ^^ عشان يكون كل شي يديد لايام العيد الثلاثـة (من كارتز) وايد احب ستايلهم

ما عندي بنات وبعدني ما خذت شي لعيالي