المشاركة الأصلية كتبت بواسطة نوووووورة 
مرحبا اختى انا عندى ولد واحد والحين في 9-9-2009 بيكمل سنتين فمن تجربتى معاه فخبرج شو تحتاجين للبيبي نبدأ :
اولا : الملابس عباره عن فوانيل داخليه اللى فيها عقم وانا افضل اللون الابيض الساده ويكونون كت لانهم اسهل لما تلبسين البيبى وبراي افضل نوع اللى في ماركس سبنسر اللى البكيت فيه 5 فوانيل والمقاس نيوبورن والعدد10 حبات .
وبعدين ايي دور الملابس والبيبي في البداية يستهلك ملابس وايد فبتحتاجين افورول عد تقريبا 10 حبات فاذا كنت بتربين في الشتاء بتحتاجين افارول مسكر كامل يعني فيه ريول لكن اذا في الصيف افضل يكون مب مسكر عشان حر-وافضل المحلات مذركير وماركس سبنسر وبتحتلجين سبوحات حق الصيف .
ثانيا : اللف او اللقماط تحتاجين اللقماطات القطنيه بتحصلينها عند البيبي شوب وبتحتاجين 10 حبات تقريبا وعندهم بعد اللف الصوف وشي مثل الكوريشيه و بتحتاجينها تلحفين بها البيبي وتلفينه اذا كان برد يعنى في الشتاء
ثالثا : القحفيه او الطاقيه القطنية : بتحتاجينها في البداية بعد الولاده على طول وبعد كل سبحه بتسبحين ايها .
رابعا : الفوط للسبوح : في مذركير يكون باكيت فيه 3 حبات وطبعا تعرفينهم الفوط اللى فيهم قحفيه.
خامسا : سائل الصابون للجسم والشامبو افضل السيباميد عن تجربه.
سادسا : القطن المدور للتنظيف بعد الحفاظ .
سابعا : الدوشق لحمل البيبي فيه مثل الكيس نحن بصراحه نفصل واحد لحمل البيبي واثنينه من الدواشق الصغار المسطح واثنينه من الدواشق الكبار بعد مسطح او مفروده بس بتلقينهم عند البيبي شوب
تاسعا : حوض ام طش مال الاطفال للسبوح + اسفنجه خاصة للسبوح تحطينها في الحوض وطيحين عليها البيبي عشان تمتص الماي واخذى الحوض مال مذركير لانه فيه فتحه تنزل الماي على طول والاسفنج بتحصلينها في البيبي شوب.
عاشرا : المراضع : اذا انتى انسانه تشتغلين فاكيد بدخلين حليب صناعى والاطفال لمدة تقريبا 6شهور لازم تكون المراضع زجاج لكن بعدين بتضرين تغيرين للبلاستك لانه الاطفال يبدون يفرون الاشياء اللى في ايديهم .
احدى عشر : ماكينة التعقيم : وانا افضل ماركة افنت لانها من داخل بلاستيك مايترسب فيها الملح .
يعني إذا بتكون بشتا .. اشتري شوي ثياب غليظة
وإذا بصيف خليها أخف شوي ..
خذيله 6 فنايل داخلية من بيبي شوب أو ماركس سبنسر
و6 أفرولات من بيبي شوب أو ماركس سبنسر
قماطات من أيوب .. أو فصلي ( في خياييط المرابي اللي بشارع المطار )
ملابس مفتوحه من تحت وواسعة عسب ما تضايق البيبي أول الأيام عند السرة .. بتحصلين منها في محل أيوب
سلة حق أول الأيام
مشط ناعم
كبابيس صغار حق الراس يوم بيتحلق
اسفنجه ناعمة حق السبوح
لفة حلوه تلفينها فيه يوم تطلعين
لفه حق البيت
ولا تكثرين من الثياب لأنها الياهل حجمه يتغير بسرعه وعقب بتصغر عليه وما بتلحقين تلبسينه ..
هذا اللي أذكره
وأتمنى أكون أفدتج
والله يسهل عليج ويقومج بالسلامه إن شاء الله
انا جي بسوي