تجهيزات الولاده+ الاربعيــــن .~ 2024.

ربيت ف توام .. غرفة الولادة وايد نظيفة والستاف كان وااايد اوكي الحمدلله ..

والتياااسير من رب العاالمين

..الغرفة ..

حطوني ف الغرف العادية لاني ربيت المسا والضحى تحولت للخاص ..

الفرق شاسع ف المكان من ناحية السرير ومعاملة الستاااف ..

يعني اللي ينظفن والنيرسات ف العااادي يدشن ويرفسن الباب بريلهن وينقزني من مكاني .. وطيب غصب تنشين عشان الحرارة والضغط ..
واللي بيبات عندج ماشي له سرير ..

اما ف الفي اي بي يستأذنن واذا يت تبا تاخذ الحرارة والضغط وانا راقدة تسير وترد .. يعني تدخل وتظهر النيرس وانا غرقانة ف النووم..اختي قالت لي وولا انا خبر خير.. وفوق هذا يوم اكون تعبانة يساعدني ف الصغيرونة .. ولان الدم عندي ناااقص وااايد طولت ف المستشفى .. وكل يوم يسبحون الصغيرونة ويعلموني ارضعها ويعلموني كيف اسبحها واعااابلها .. الصراااحة ما قصرن ..

..الغرفة وترتيبها ..

بس حطيت فراش.. وسويت توزيعات واهتميت باغراض الضيااافة يعني طقمت الالوان مع بعض اما تزيين وجيي شي اوفر ما سويت ما حبيت اباااالغ ..

..بخصوص الاربعين ..

يالسة ف بيت هلي للحين .. احس اريح وهم يساعدوني ف بنتي يوم تصيح ..
اما عند هل ريلي محد بيساعدني لو صااحت وريلي محد ف الدوام او شي ..
وواحس للحين ما عرفت اتعاااامل مع الصغيرونة واعرف شو تبا بالضبط يوم تصيح .. من جي احس اول فترة لازم هلج يساعدوونج ..