السلام عليكم ورحمة الله وبركاته
خواتيه هالموضوع من زمان فخاطريه اكتبه واقوله
أكيد اي حامل منا وخاصه البجر او اللي بطت وما حملت وحملت بعد انتظار
بتكون فرحتا غير وبتكون حتى فاستعداداتها أكيد غير
شفنا ماشاء الله محلات تتنافس في تقديم الأجمل والافخم وطبعا التنافس الاكبر
يكون بالأسعار الخياليه اللي نسمع بها اللي توصل فوق العشرةالالاف
وكل ماكان السعر اكبر صار التباهي بين الحريم اكثر من ناحية انها سوت طقم
الولاده بالشي الفلاني
وغير التجهيزات والحجوزات لغرفة مابعد الولاده في المستشفى والهدايا وغير عن
اللي صاروا يسوون بوفيهات بذيج الحجيه واغلب هالاكل الا ينعق كرمتن فالزباله
بتقولن نعطيه المساكين متاكده مب الكل فذيج أللحظه متفيق ايلس ويوزع ع الغفارة
الباجي من العيشه
خواتيه أباكن بس تفكرن بس لحظه بعقلانية هل تظمنين عمرج بتعيشين؟؟؟
هل تظمنين لا سمح الله البيبي ربيه يكتب له ويعيش؟؟؟؟
ادري بحصل تعليقات ما تنعد من المعارضات واللي مب عايبنهن كلاميه
بس كلاميه صح ومتاكده انه وحده منكن صارلها هالموقف او صار لقريب أومن
معارفها …….
كيف بتكون ردت فعلج اونفسيتج ان لا سمح الله وماكتب للبيبي انه يعيش؟؟؟؟؟
شو بيكون شعورج وانتي تشوفين هالتجهيزات والركيض والتعب والوقت اللي
خسرتيه فهالتجهيزات والتعديلات بدون مايكون البيبي عايش؟؟؟؟؟
او ان ربي ماكتب لج تعيشين وتشوفين هالتعديلات والخساير اللي مالها اي داعي
كلها تراج بتتحاسبين عليها
أكيد بتقولن أكيد أنا نفسيه مأخسرت او أخسر او اتشرى قبل لا إربي
بالعكس اي وحده تحب تكون مميزه عن غيرها جدام اللي يزورونها
هيه نعم انيه اتشرى واعدل بس اللهم لك الحمد بالشي المعقول لدرجة انيه أنا اللي
اعدل الأغراض بيديه ان احتيت انيه اعدل
والمفرش مال الدختر مب لازم مزين ومركب كريستال وطرابيش تقول عرس باكستاني
من كثر الصليج
أخذ مفرش يكونومناسب واهم شي مريح يريحنيه وانا أرقد وارضع نونوتيه
ان ربيه كتبليه عمر او كتب للبيبي عمر
كلام وكان فخاطريه وقلته لخواتيه الغاليات عىقلبيه في منتدانا الغالي
اللي مابيعيبها كلاميه تعتبر نفسها ماقرته واللي عيبها ويمكن انه يكون إلها
سبب فتفكيرها عن كل الخساير اللي بنتحاسب عليها فمماتنا
ربيه يسهل ع كل حامل ياربيه ويرزق كل محرومه يااااارب
ويرزقنا بالذريه التامه الخلق والخلق ويكونون صالحين فهالدنيا
فداعت الرحمن خواتيه
بتقولن الحمدالله مقتدرين وعندنا الخير فليش ما نعدل ونخسر
والله انه حد من الحريم بس عشان الكشخه جدام الناس يطبقون تدين وتزين
بس المهم انه الحرمه تزامط الحريم فالتعديلات ولاهتمت بريلها عنده او ماعنده
واللي عندها الخير ربيه يزيدها من خيره
واكيد مب زين التبذير والي الله كاتبينه بيصير اختي
الله كريم
الانسان ما يضمن عمره او
عمر البيبي
اهم شي الانسان يقول الحمد الله
أنا وحدة أرتاح في سرير المستشفى الأبيض 
لكن كل وحده تنام على الجنب اللي يريحها ..
والله يهديهن
المشاركة الأصلية كتبت بواسطة غير النآس 
واكيد مب زين التبذير والي الله كاتبينه بيصير اختي
الله كريم
ربيه يفرحج دنيا واخره
والنعم بالله تراه مايصير الا اللي كاتبنه ربيه
المشاركة الأصلية كتبت بواسطة عسولة زوجها الانسان ما يضمن عمره او
عمر البيبي
اهم شي الانسان يقول الحمد الله
مشكورة فديتج ع رايج ومرورج الحلو