بغيت من خبيرات اوروبا نصايحهم في تخطيط الرحله، نحن بنكون شخصين وطفل عمره سنه ونص
ابااا اعرف الجوو كيف بيكون هل بيكوون فيه ربيع لان هدف الرحله استجمام وطبيعه ونصايحكم في الفنادق نحن حاطين تكلفه من غير التذاكر 20،000درهم ما اعرف بيكفي المبلغ او لا
حاطه في بالي المناطق اللي ابا ازورها وهي كالتلي
ميونخ
يومين للشوبينق والراحه لان بيكون القدوم والعوده من مطار ميونخ، ونستأجر سياره
زيلامسي
يومين الاماكن بحيره زيلامسي،قمة كابرون
انترلاكن
3 ايام تجول في المناطق الريفيه زياره البحيره الزرقاء وقرية هايدي
اتمني انكم تساعدوني لان اول مره انسافر اروربا ، وبخصوص ولدي عمره سنه ونص شو الاشياء المهمه اللي اخذه معاي
فينا ٣ ايام
زيلامسي ٣ ايام
ميونخ ٣ ايام
زيورخ ٣ ايام
بس للحين ندور مكتب سفريات ثقة ف دبي اللي يعرف يخبرنا
شهر عسل مافينا نتوهق
ـ في ميونخ خذي سكن قريب من السوق اللي هوالمارين بلاتز حق التسوق
ـ و زيلامسي بعد يومين زين لانه ماتبين تكظين عمرج و معاج ولد بو سنه و نص
ـ و بالنسبه للانترلكن ,, زوري جرندوالد و شي مناطق قريبه من انترلكن للتجول فيها
ـ و لاني انا سافرت مع ولدي تقريبا نفس العمر فأقولج انه صعب تسويـن اكتفيتيز و بس الحمدلله غيرنا جو .
ـ حق ولدج اهم شي القاري و بمبرز و سناك و حليب فورملا اذا مايرضع و بلانكت و ملابس كافيه عشان ماتيلسين تغسلين و جاكت لانه بيكون الجو معتد البروده
ليييش ؟
تخيلي الوضع وياية
7 ايام
اليوم الاول بيروح عليكم لان اول يوم وياين من عقب درب وطيارة
اليوم الثاني بيكون لزيلامسي
اليوم الثالث ضايع عليكم لانكم بتتحركون من زيلامسي ل انترلاكن درب 6 ساعات ونص وتوصل 7 ساعات
اليوم الرابعو الخامس يومين بس في انترلاكن
اليوم السادس ضايع عليكم لان بتتحركون من انترلاكن لميونيخ درب 6 ساعات
اليوم السابع للتسوق لميونيخ
اليوم الثامن طالعين من ميونيخ
رحلتج وايد قصيرة وبيروحن عليج 3 ايام و بس بيبقى لكم 4 ايام
المدة وايد قصيرة وفي وايد مناطق حلوة ومتقاربة
زيلامسي وانترلاكن تقريبا نفس الطبيعه
كل منطقة ويبالج تاخذين فيها كم يوم عشان تستكشفين المنطقة وتعطينها حقها والمناطق الثانية خليها للمرات الياية ان شاء الله
بخصوص البيبي
لاتكثرين له وايد اغراض شلي الاشيا الي مش متوفرة عندهم مثل حليب البيبي
البامبرز موجود هناك و السناك عندهم اشيا حلوة واروجانيك