انا اعتبر واحده من عشاق السفر لـ اوروبا
رابع مره اسير لـ ميونخ .. احب هالبلاد وايد
اخر يوم قبل لا ارد البلاد شفت هالجريده في مطعم الفندق .. بتاريخ 3 – 8
كاتبين انهم مستانسين بزياره الخليجيين لبلدهم لانهم يشترون وايد ومايسألون عن الاسعار
والالمان مستفيدين منهم
وهاي صور للجريدة ..
بس بصراحه في العلاج وايد يستغلون الخليجيين ووايد يسوولهم تحاليل حتى لو مب في حاجتهم
وفيه ناس عايشين اصلا في ميونخ حذرونا من استغلال الدكاتره لنا
فأنتبهوا منهم خاصه بأن البعض منهم مب فاهمين شي وياما انغشينا منهم
ربي يحفظكم
انا ما يالي سرت المانيا
واااااايد حبيت الصورة اللي البنات لابسين فيها العبي ومكتوب بالعربي اهلا وسهلا .. حلو لما ننشر ثقافتنا وحضارتنا من خلال سفرنا ونبين لهم انه لبسنا عمره ما يمنعنا من انه نحن نستمتع في حياتنا بالعكس هو سر سعادتنا .. وزين يوم حد عبر اللغة العربية شوي..
بس سالفة النصب تقهر وموجودة فدول وايدة لازم الواحد تكون عنده ثقافة فكل شي عن البلاد اللي يبا يزورها ويسال عنها عسب لا يكون ضحية..
وثااانكس عالموضوع .. ترى حتى انا من عشاق السفر ..
ولازم بستانسون مانروم نقول شي
نشتري ولا عبالنا السعر
ابا اسير اروربا
الحلو عندهم السعر ثابت .. تبين تشترين اشتري .. ما يقصون عليج وتيليس اتكاسرين وفي الاخير بعد ناصبين عليج ..
حتى الفلس يرجعونه لج .. مب مثلنا اهني يعطونج لبان بدال الفلس …