مرحبا خواتي شحالكن انشالله بخير حبيت استفسر ابي اشل الخدامه عنديه تركيا ?زملها فيزا ولا وكيف اسويها وابي اشل عيالي لولد 3 سنين والبنت 7 شهور وناوين نرووح بعد العيد ابي اعرف شو الجو هناك وشو اشل مهايه لليهال تراني اول مره اسير وعندي عيالي فديتكن لاتقصرن خبرنيه الي عندها معلومات عن ذيك الدار
هلا الغالية
اختيارج وااايد حلو فديتج…راح تستانسون فيها ان شاء الله
بالنسبة لفيزا الخدامة والله ما أدري عنها بس تقدرين تسألين مكاتب السياحة أحسن لج
بالنسبة للجو هناك لفترة بعد العيد والله هناك الكل كان يقول من 9 لين 1 الجو عندهم بارد وبعض المناطق يكون فيها ثلج
بس يعتمد على المكان اللي انتي ناوية تزورينه
يعني حددي المناطق اللي بتسيرينها وان شاء الله عقب بنفيدج نحن^_^
اختيارج وااايد حلو فديتج…راح تستانسون فيها ان شاء الله
بالنسبة لفيزا الخدامة والله ما أدري عنها بس تقدرين تسألين مكاتب السياحة أحسن لج
بالنسبة للجو هناك لفترة بعد العيد والله هناك الكل كان يقول من 9 لين 1 الجو عندهم بارد وبعض المناطق يكون فيها ثلج
بس يعتمد على المكان اللي انتي ناوية تزورينه
يعني حددي المناطق اللي بتسيرينها وان شاء الله عقب بنفيدج نحن^_^
انا بروح تاريخ 9_12 ثاني يوم العيد في الليل على الامارتيه والله يسير
بالتوفيق ان شاء الله
اول شي الجو كان معتدل هناك في هاي الفتره لاني راده من تركيا من اسبوع تقريبا !!
خذي معاج ثياب صيفيه وللاحتياط خذي بعد ثياب شتويه لانه سااعات يصب مطر هناك واهم شي خذي معاج مظله ..
ومن ناحية الاكل !! مطاعمهم ماعليها كلام ..
آن شاء الله تستآنسووون ..
بالتوفيق .. =)
تركيا ماتناسل اطفال ابد ولا حتى واحد …
انا مجربه ورايحه
وتخبري المجربات
خصووصا بتحتاجين عربانه
وشوارعهم حصا مرصووص وكبار
واغلب الاوقات عندهم فاليل يعني سهرات
فالشوارع والمطاعم وجيه
يعني لو بتخلين عيالج فالفندق صح
بس شوارع اسطنبول عذاب وترام وقطارات داعسه ,,, ومايمديج مره بروووحج تربعين …
والجووو بارد
الظهر براد
فالليل بررررررررررررررررررد .. من العصر وطالع برررررررررررررررد برررررررررررد
بس شوفي راي البنات
بس انا رايي ماتناسب اطفال ابد .. ولا طفل عمره حتى 5 سنوات .. لان ماشي امان للاطفال عندهم القطارات الي عالارض والترام بدون اي حاجز
وحتى البحر بدون حواجز اببببببببببببد