صالونة كورما الباذنجان
المقادير:-
1 بصله جوانح
2 طماط مقطع مكعبات صغار
2 باذنجان وسط مقطع مكعبات ومقلي
2عودين من اوراق الكاريباتا
2 قرنين فلفل اخضر حار
4 ملاعق زيت نباتي
البهارات 1 ملعقه واحده ( كاري-جرام ماسالا-ملح- فلفل اسود-كركم-كمون-حبوب الخردل )
ملعقة كبيره معجون الزنجبيل والثوم
كوب حليب جوز الهند سائل
ملعقتين بودرة الفول السوداني
ملعقتين كبار صلصة طماطم
الطريقة:-
نسخن الزيت ونحط عليه الكمون الحب والخردل واوراق الكاري باتا كلها العودين وشموا الريحه يم يمي يمي يمي تجنن,,,, وبعدها نحطي البصل حتي يلين البصل اشوي و قرنين الفلفل +معجون الثوم والزنجبيل وعلى طول نحطي فوقهم البهارات الباقيه( الكركم والجرام ماسالا والكاري والفلفل الاسود والملح)+ الفول السوداني+الطماط المقطع مكعبات + معجون الطماطم ونحمسهم مع بعض ونصب كوب حليب جوز الهند السائل كله فوق الخلطه ونص كوب ماي فوقهم ونخليه عنار هاديه لحد ماتغلظ الصالونه وبعدين تعقين عليه الباذنجان المقلي وتخلونه تتسبك 5 دقايق بس وبالعافيه عليكم……..
شكلهااااااا لذييييييييييييييييييييييييذة
ذكرتيني بأيام الجانعة فديت ريمووه ربعتي تيها حقنا
تسلمييييييين اختي ع الطريقة وطرحج للوصفة اللذيذة
بس حاولي تصغرين الصورة
ذكرتيني بأيام الجانعة فديت ريمووه ربعتي تيها حقنا
تسلمييييييين اختي ع الطريقة وطرحج للوصفة اللذيذة
بس حاولي تصغرين الصورة
يعطيك العافية حبيبتي بس اذا عندك اكلات هندية لا تبخلين علينا فيها
لأني احب الأكل الهندي
لأني احب الأكل الهندي
تسلم ايديج غناتي
شهيــــــــــــــة تسلمون عالوصــفة والتطبيــق لازم اجربها
تسلم ايييدج بس الصووورة كبيرة اذا تصغيرنهاا اشووي