السلام عليكم خواتي شحالكم،،
ولدي عمره سنه وست شهور وماعطيته تطعيم السنه لان بطاقته منتهيه المهم جددتها واليوم رحت مستشفى النور وقالي الدكتور ان بيعطيه تطعيم السنه والسنه ونص نفس الوقت يعني 3 ابر وعطوه اياهن بس احين خايفه احسه وايد قوي عليه 2 مره وحده في حد منكن جي سوا وولدي وايد حما ومب رايم يمشي من الابر وكله يصيح اعطيه ادول ويرجع مب عارفه شو اسوي ،،
يااااعمري فديته الله يشفيه ياارب.
واحد ويتعبون كيف ٢؟؟؟
وايد هلكان صدقج واحد ويهلكون كيف 2 وايد احاتيه
الله يقومه بالسلامه
ليش ما تردين المستشفى تطمنين عليه؟
أول مرة أسمع تطعيمين فنفس الوقت.
حرام عليه هذا وين يبا.
حرام عليه هذا وين يبا.
صحيح تعب عليه بس لاتخافين دامه الدكتور هو اللي وافق على هالشي يعني اكيد ان شاء الله الموضوع عادي لاتخافين بس انتي تدرين اليهال
التطعيم صح متعب عليهم ولكن مفيد لهم اذا حسيتي فيه حمى وايد وديه المستشفى وخبريهم عن التطعيمين
اختي من ست سنوات تقريبا كنت اودي ولدي عياده حكوميه في دبي وكانوا يعطونه لقاحين مع بعض وبسرعه خلص تطعيماته وقال الطبيب ما فيها شئ والامور طيبه بس بعد سنه غيروا النظام وقالوا اللقاح الواحد افضل والحين النظام اللقاح الواحد الا في بعض الامراض اعتقد الشلل وشئً معاه ما ادري انتي اتصلي باي دكتور اطفال يمكن يفيدج اكثر عنا وحياج