تعآلي اقري هالكلام وبتقولين مزآجيه صآدقه ,, أقوى جروب للتخلص من الذنوب 2024.

< هيه ابي اضعف والله

<< عيل ليش تبين تآكلين ؟

< يوعآنه ما قدر اتحمللل اليوع شوه يعني ماآ اعيش حالي حال غيري؟

<< بس انتي مب حالج حال غيرج انتي وزنج زااااايد !!!

< لا شكلي حلو و وزني لاباس والناس تمدحني تقول انا حلوه بس قاصرني اضعف عادي يعني

<< قلتيها اروحج .. يقوولوون قاصرج تضعفين بسسس !!! مب رايمه تزخين نفسج ؟!!!!!

< هيه مب رايمه ما اقدر تعبببب ومعاناااااه ابي اكل ابي حلويات ابي عيش ابي مشاوي ابي عصاير ابي اتهناا ابي اتدلع ابي ابخ بخ .. حلووو متعععععه ..

<< صح متعه لكن يوم تكونين ف حفله او عرس و بين بنات وكلكن كاشخات ولابسات احلى الفساااتين وانتي لابسه فستااان يالله يالله قدروا يسكروونه بالغصصصصب و الطبقاات امبينه والزنوود مخربه شكلج وعاطتنج عررررض و الفخووذ والكرش مخليتج جنج ام عيآآآل …. بالله عليج هذي متعه ؟؟؟ هذااا شي حلوووو ؟؟؟؟؟

< صح صددددقج بس انا ويهي حلو وشعري حلو و بشرتي حلوووه عادي يعني

<< وصحتج ؟؟؟ ومستقبلج ؟؟ ويوم بتعرسين ؟؟ ما تبين تلبسين الجنز ؟ والسكيني؟ والتنانير القصيره؟ وقمصان النوم الحلووه ؟؟ كلها ما بتليق عليج وحتى لو لبستيها ما بتطلع حلوه عليييج … بتقعدين تدورين اللون الاسود اللي يخفي المتن !!!!!

< وش اسووي انزين وش الدبره خاااطري والله اكون مثل البناات الكيوت الحلواآت انا والله كيووت ورقيقه بس الناس يتحروني دفشه وما عندي مشاعر بسبة وزني تصدقين مره طلبت اكل من المطعم في الجامعه وربيعتي عصقووله قالت فوق هالمتن تبين تزيدين بعععععد !!!!؟؟ تخيلي انا ضحكت و علقت بس فداخلي اتقططططع … ومليووون مووقف وموووقف ><

<< عيل ليش مب قادره تسوين رجيم وتضعفين .. وايد ناس ضعفوا … دام هم اقدروا انتي بعد تقدرررين..
< بس صعب كل ما اسوي افشل .. التزم يومين واترك شهـــر … وقت المنآسباات والجمعات اندمج وآكل وانسى موضوع الرجيم والوزن ..

<< على طاري الجمعات والمناسبات… بالله عليج الناس لما تجوفج اكيد يقولون شو هالبنت الحلوه و يرمسون فيج واكيد يبون يخطبوونج صح ؟؟؟..

< اي يخطبوني اي يرمسون فيني … يتحروني حرمه و عندي عيال ويسألوني أكبر ولد عندج كم عمره ولا ريلج وين يشتغل !!!><

<< من صدقججججج ؟؟؟ وكل هذاااا ما جرحج؟ ما أثر فيج ؟ ما خلاج تعافين الاكل؟؟؟؟؟

< تبين الصدق انجرح دقايق وبعدين انسى واقول باجر بسوي رجيم وعقب ما اسوي!!!

<< معقوله .. تقولين وراء هالدهون مشآعر طلعتي لوح !

< لا تقولين جيه والله احس بس ماعرف شوه اسوي

<< انزين سؤاال كم عمرج ؟؟

< بعدني في سن الزهوور للحين ما دخلت العشرين

<< للحين ما دخلتي العشرين وهذا وزنج وهذا جسمج عيل شو خليتي لما بعد العشرين؟؟ شو خليتي لما بعد الزواج؟؟؟ شو خليتي لما بعد الحمل والولاااده ؟؟ اذا انتي الحين جيه عقب كيف بتصيرين ؟؟

< وهذا اللي انا احاتيه و خايفه منه خاطري اعيش حالي حال هالبناااات خاطري البس اللي اباااه خاطري كل شي البسه يطلع حلو علييه .. خاطري اسوي وايد اشيا خاطري العب فالقريه العالميه وما يقولون شو هاي من صدقها تلعب وهي هالكبر ..خاطري وخاطري وخاطري

وانتي بعد اكيد خاطرج في ها كله واكيد مر عليج وآآآيد مواقف اخس عن جيه واكيد هالحوآآر يدور بينج وبين نفسج

ألى متى ؟

بنوقف حد لهالكلام ولا لا

ليش ما نقدر

نحن ناجحين في حياتنا … يت على صحتنا واوزااننااااا ..

من اليوم

من هالدقيقه

الا من هالثاانيه

راح نترك كل شي سبب لنا اذى نفسي في حياتنا .. راح نترك الاكل الضااااار خلااااص راح نترك اللي وصلنا لهالمرحله ….

فراااق الطعآآآم الضــآآآر ….

واهلا ومرحبا بالطعام الصحي …

ويوههنآ حتى تضررت من هالآآآكل …الله عالفوآآكه كيف تخلي الويه نضر ومشرق وحلوووو ..

آآببدا وابترك كل مآ مضى ورآي … وبمشي في طريق مآ بعده رجعه ..
ابنشدك يآ صاحبي من يبدآ معآي… ما عاد ابي اشوف منك ولا دمعه …

< هالوزن خلاني استوي شاااااااعره ههههههه

المهم انا فشهر رمضآآن اجوف نفسي بدال ما اضعف امتنييييت

وتعبييت خلآآص ودي التزم

كل يوم ان شاء الله بصور اكلي وبكتب شو كلت بنسوي يوووميآآآت بس الله يخليكم ابي حد معاي

ابي جروووب معاآآي مب اكثر عن 10 بنآآت

بنلتزم وبنحدد يوم فالاسبوع عشان نوزن فيه وبنشجع بعض ان شالله ..

اذا كلامي و الحوار اثر فيج .. ساعديني وساعدي نفسج وخلونآ نتعآآآآآآون و فالنهآآيه نحن اللي بنرتاااح
انا عمري ما نزل وزني بأنتظآآم الا يوم سويت والتزمت مع جروبب فالمنتدى واآآبي الحين التزم بعد واكمل …

يالله 1 2 3 نبدا وماراح نتوقف .. عزيمتي هالمره قويه قويه قويه

يالله منووووو معآآآي ؟؟؟