والله يا اخواتي المتوحمات والي تعبنات والمتلوعات والي يزوعون وكارهين حياتهم
والله يا اخواتي يبت لكم كنز بتدعون لي ان شاء الله
اولا اسمعوا قصتي مع اللوحام
انا عرف اني حامل قبل العيد بايام والحمدالله لما كنت صايمه ما كنت احس بشي يمكن لان كانت ايامي الاولى
وفي العيد خبرت الاهل اني حامل وكنت اكل من كل شي ولا كأني حامل
والاهل يقولون الحمدالله انت هذا الحمل مرتاحه انجوفج يمكن هذا ولد فيج لان عندي ثلاث بنات وكنت واااااايد اتعب بهم من اللوحام
فقلت قولوا ما شاء الله لا تحسدوني اخاف ايني الوحام وانا مب قاصرني تعب ابروحي ضعيفه
المهم اول ما خلص العيد ورجعت البيت وكملت 40 يوم الا والشيخ اللوحام ياي ويقول منوا قال اني نسيتج
واعتفست فوق تعت كل لوعه وازواع وما اداني حتى اني اجوف الاكل ولا الماي
حتى ريلي يطلع ويدخل اجوفني امبوزه ووارمه وما لي خلق حتى ابتسم ولا ايقرب من عندي
كل اقول ريحتك خايسه جنها ازواع او يدخل علي اجوفني راقده ويخليني ويطلع ( نومي احسن من قعدتي وحنتي وزنتي) حتى مره دخلت علي امي الظهر وجافتني نايمه وهو قاعد ابروحه في الصاله فقالت ليش ما اتوعيها حرمه اتنام لين الحين وريلها قاعد فقل الله ايخليج عمتي خليها راقده ومرتاحه احسن من يالسه واتزوع
المهم امس عمت اختي اتصلت بي الصبح واتقول ام حمده انت وصلتي بنتج المدرسه فقلت لا قالت الله ايخليج مري على بنتي راح عنها الباص ( تراها في نفس الفريج وبنتها في نفس مدرسة بنتي )
ولما رحت عندها وجافت حالي جني عيوز عمرها 90 سنه ريل في الدنيا وريل في القبر
قالت شو فيج انت مريضه فقلت لا بس اتوحم واللوحام املعوزني
فقالت روحي المدرسه وصليهم وتعالي عندي حلج عندي قلت خلاص بمر عليج
لما ييت عندها كانت امجهزه لي دوه من الادويه الشعبيه اكيد كلكم اتعرفونها
الطبيخه مع لومي يابس امفوره
فقالت شربيها على الريج او بليل فقلت اخاف ايعق الجنين قالت هذا مب حلول عشان ايسهل بطنج ويعق الجنين اشربيها وبجوفين الفرق ( هي امسويه حقي في مطارة مسافي وقالت خليها في الثلاجه وكل يومين اشربي منها حتى لو كل يوم اشربي )
يا بنات اول ما وصلت للبيت على طول واخذ نص كوب من الدوه واروح للمغسله شو اسوي اخاف ازوع
واسكر خشمي وابداء معركة الشرب اشرب شربه واحس كل الي في بطني بيطلع بس اقاوم
الين ما خلصت الكوب
بس والله يا اخوتي لين الظهر دخل ريلي الغرفه جافني يالسه وبعد مبتسمه
فقل ما شاء الله عليج من حملت ما جفنه الابتسامه شو السالفه
وقلت عمت اختي جي سوت
فتمه يدعي (الله ايريحها دنيا واخره مثل ما ريحتنا )
والله يا اخواتي هذا اليوم ثاني يوم وانا احس عمري مرتاحه وعايشه يومي طبيعي
واذا حسيت باعراضها مره ثانيه على طول بروح اشربها
والله يا اخوتي من كثر ما تعبت والحين مرتاحه فقلت خليني اريح البنات التعبانات
يالله الي ترتاح وتفتك تدعي ان الله يرزقني بالولد الصالح الي ايفرحني ويفرح ريلي ويفرح الاهل ويكون قرت عين لنا
الله يرزقج بالولد الصالح
ويزاج الله خير….بس ياريت تكملين معروفج وتتخبرين عمت اختج عن مكونات الطبيخه بالتفصيل
واخذوا اشوي منها وغسلوها بالمشخله عشان تنظف من الغبار
وحطوها في جدر وحطوا عليها ماي وحبتين ليمون يابس وخلوها اتفور
وبردوها واشربوها
ما ادري والله بس هذا اللي أعرفه ..
أنا عموما أخاف أشرب أي أعشاب في فتره الحمل … ==> أصلا انا ما أشرب شي منهم حتى في العاده خخخ
بس سبحان الله حريم أول أدرى في هالشغلات ^^
الله يريحج ويريح كل حامل يا رب ..
المشاركة الأصلية كتبت بواسطة بثـينه 
ما ادري والله بس هذا اللي أعرفه ..
أنا عموما أخاف أشرب أي أعشاب في فتره الحمل … ==> أصلا انا ما أشرب شي منهم حتى في العاده خخخ
بس سبحان الله حريم أول أدرى في هالشغلات ^^
الله يريحج ويريح كل حامل يا رب ..