أنا عندي قطااو صغار عمارهن شهر ونص
وأحبهن واااااايد
يوم السبت وحده من القطااو ختفت ودورتها مالقيتها
وتوقعنا طاحت في البييب مال الطوي
تخيلو طوي كم طووله والبيب صغير
تميت اصيح بس قلت لا ماطااحت إذا طاحت مستحيل تطلع حيه
طول البيب مال الطوي 33 متر تحت الأرض
مارمت ارقد الليل بس كنت اقول إذا لها حيااه بترجع
صليت الصبح
وحصلت وحده من بنات المنتدا حاطه موضوع عن إجابت الدعا
الله أكبر كبيرا .. والحمد الله كثيرااا … وسبحان الله بكرا وأصيلاااا
كنت أرددها وأملي بالله كبيييييير
ويلست اقرا سورة الضحى
من يوم السبت الضهر مختفيه
ويوم الأحد
واليوم
يوم الاثنين
خلال هالثلاث أيام كل يوم اسير اناديها عند البيب لاحس ولا خبر
تخيلو
اليوم الصدمه سمعو صوتها في بيب الطوي
حتا قبلهااا قالتلي أختي: تخيلي تطلع وتحصلينا في الحوي
قلت أن شاء الله
عند المغرب اسمعت امي الدق على خويه تقوله سير أسحب البيب لي في الطوي ويا بوك القطوه حيه ركضت تحت
زقرنا بويه كلنا مع الخدامات نحاول نسحب البيب لي في الطوي مارمنا
كنت أزقرها وسمع صوتها تميت اصيح ونتفض مب مصدقه
كنت اصيح لن ربي ستجاب دعااائي
لانها معجزه
كيف حيه
سبحان الله
سبحان الله
سبحان الله
قالت امي مستحيل يقدرون يطلعونها يمكن تموت
قلت لا دام ربي ستجااب دعائي بتطلع
يابو عماال
وانا ركضت انتفض توضيت ويلست اصلي ومن الفرحه لان ربي ستجااب اصيح
وتميت استغفر بنااات 10 دقاايق إلا أسمع صوت القطوه طلعوها حيه
والله حيه
سبحاان الله
الله حفظها لني وكلتها لربي
شوفو لي يتوكل عليه ما يخيب
من فرحتيه متلخبطه مب عارفه شو اقول شو أكتب
أنا فرحانه أكثر لان ربي ستجااب
لان ماشي ارحم من رب العبااد
الحمد الله
الحمد الله
الحمد الله
أكتب وصييح
بناات لا تقنطون من رحمت الله
الله قادر على كل شي
هاي قدرت الله
وربي على لي أقوله شاهد مب يايبه تاليف من عندي
الحمد الله
والحمدلله إنكم لقيتوها حيه وتسلمين ..
حبوبه شكلج وايد اتحبين القطاو
الله يفرج دووم ياربي ^__^
والحمدلله على سلامت القطوه الحلوه هع
بارك الله فيج هيه والله صدقج لازم الواحد يتوكل ع الله في كل شي
قبل كم يوم اختي ترمسني وتقولي انا استحي ادعي الله في اشياء تافهه مثل التوفيق في الدراسه و ها الاشياء
قلتلها ها مو اشياء تافهه لازم تدعي الله يحب عبده يدعوه
بس انصدمت ان تفكيرها جي الله يهديها ويوفقها ان شاء الله ان شاء الله تيب نسب 98%