مرحبا خوات شحالكن وعساكن بصحه وسلامه خواتي انا صايرلي اكثر عن شهر تعبانه من كثر هالغازات اللي في بطني والم فضيع وتعبت من كثر الحبوب اللي اخذهن بلى فايده وانا اعرف مشكلتي هي الكولا وانا ماأشربها الا في الشهر مره وايد علي بس شكلي ماتحمل شي واحس بطني منتفخ من الغازات وانا مب من متني خواتي اللي عندها حل تساعدني والله يعطيكن الصحه والعافيه وابى علاج حق الاسهال والامساك وشو الاشيدء الي اقدر استخدمها وقت الاسهال واالاكلات اللس اكلها وقت الامساك عسب اتحاشى هالاعراض لاني بصراحه ماتحمل الالم اللي فيني كافيني والحمدلله على العافية
أختي للغازات صبي في كوب ماي ساخن مغلي و حطي داخله ورق نعناع بكباره يعني الورق تقريبا خذي 3 عيدان من النعناع و خليه يفتر خمس دقايق وشربيه بدون سكر
وحاولي مع كل وجبه تاكلين نعناع
وحاولي مع كل وجبه تاكلين نعناع
للأمساك على الريج شربي كوب ماي دافي يعني مثلا غرشة مسافي من الكرتون
للإسهال كلي روب قد ما تقدرين و بعد شربي شخالة العيش( ماي العيش الأبيض بعد ما يستوي) تراها وايد مفيده
و اللــــــــــــــــــــــــــــــه يعطيج الصحه و العافيه و ماتشوفين شر
فوري لج ينسون و اشربيه اختي
و حاولي انج تبتعدين كلش عن المشروبات الغازيه
و لو حبيتي تشربين شي خليه عصاير فقط
و قللي من البهارات في اكلج..
من تجربتي ..انا كنت مثلج … بس من بديت أشرب شاي الرجيم حسيت الامساك خف وايد والحمدلله .. وبعد الغازات خفت بشكل كبير …. اشربي شاي الرجيم اي نوع اللي في السوبر ماركت او الصيدليه .ز انا جربت شاي الرجيم ( رويال).. واشربي ماي وايد .. وماتشوفين شر الغالية
اشربي حلول بينظف بطنج وبترتااحيين .. واشربي دايما زعتر
للغازات و انا مجربه:
اغلي ماي قد فنيان و حطي وياه ينسون (ملعقه صغيره)
و اشربيه قبل كل وجبه
و لااااااا تين صوب الاشياء الي تسبب الغازات مثل:
الكولا – البيض – اللبن – الملفوف
للإمساك:
هاتيلج صحن يح و اكليه كله بعد نفس الشي قبل الأقل
للإسهال:
دقي فص ثوم و اخلطيه مع الروب و عليج بالعافيه
ما تشوفين شر يا الغلا