تعبت من التفكير ومليت 2024.

السلام عليكن خواتي عساكن بخير وعافيه

خواتي انا صليت الاستخاره عشان في واحد متقدم لي مر شهر ونص ولين احينه مارد علينا بس الاستخاره كانت حلوه وكل شي زين بس ماعرف ليش لين احينه لاحس ولاخبر والله تعبت من التفكير

ولما سالت ناس انه صارلي جيه قالولي عادي يمكن مايكون من نصيبج لكن اذا خذيتيه بيكون خير لج

يعني انا مب فاهمه احس تفكيري متلخبط

فديتج لا تفكرين ولا شي ..

اللي ربج كاتبه بيصيير ..
و الله يسر لج اموورج و يكتب لج اللي فيه الخير ياارب

انزين يمكن هذا رد ربج بصلاة الاستخارة الي صلتيها يالغاليه..

يعني انتي صليتي صلاة الاستخاره علشان تعرفين اذا يصلحلج ولا لاء صح؟

يمكن بل أكيد تأخير الريال عنكم هذا هو جواب الاستخاره …ومثل يقول كل تأخيره فيها خيره
وان شاء الله اذا الريال صالح وشارنج بمعنى الشريه تراه بييج …وتمي ادعي ربج والله يوفقج ويحقق الي في بالج يالغاليه

هي مثل ما قلتي أنا مثلج تقدم لي واحد ، وكنت استخير و كنت وااايد
مرتاحه وهو صدق وااايد زين بس الله ما كتب نكون لبعض ،
الله يوفقج ،

الغاليه معنى الاستخاره مب شعور نفسي تحسين فيه لان احنا بشر تتغير مشاعرنا بسرعه لكن معنى الاستخاره انج اذا صليتي ودعيتي واستخرتي انج هالموضوع شليتيه من ايديج ووكلتيه لرب العالمين هو سبحانه ييسره او يعسره لما هو الخير لج ..وانتي يوم تستخيرين ملك الملوك لازم تكونين ان الملك سبحانه ما بيختارلج إلا أخير الأمور وأحسنها لج فلا تشكي أو تتزعزع ثقتج به سبحانه وقولي كل ما استجد شي من الموضوع اللهم اني استخرتك فالخيرة ما اخترته لي …….

أولا يا أخواتي بغيت اخبركم عن صلاة الاستخارة
عادي انج تصلين ركعتين
و عادي انج تدعين بس من دون صلاة
ثانيا : انتي لو صليتي الاستخارة لا بترتاحي و لا بتحلمي و لا من هالخرابيط
صلاة الاستخارة مقصدها: انتي يوم تصلين سبحان الله يعني يمكن تمرين بمشكلة و هذا يدل على انه هذا ما من نصيبج
و احيانا ما تمرين بمشاكل و يكون كل شي على ما يرام بس هذا المقصود بالاستخارة في بناات وااايد يخطؤون بهذا الشي ..