صار لي سنة وشهرين متزوجة .. زوجي في بادي الأمر كان حاب نأجل مسألة الحمل لين سنة بس فجأة عقب العرس على طول حسيته تخبل على الياهال :22 (30):
ووده يكون عندنا ياهل بأسرع وقت وكل شهر مع ميعاد الدورة تستوي مأساه بالنسبة له يتضايج ويزعل ويطلع من البيت ويرجع فالليل يكون هادي ويحاول
يواسيني ويواسي عمره …
وفي أشهر أنا أقلبها مناحة …
.gif "12 (15)")
لما كملت سبع شهور من عرست حملت بس ما كنت أتوقع هالشيء ولا أدري به تأخرت على الدورة يوم واحد واليوم الثاني يتني حمى فظيعه خذيت أدوية ومضادات حيويه وخافض للحرارة فالوريد وفترة عشرة أيام كانت تنزل لي افرازات بنية بس ،رحت حللت دم وطلعت حامل لكن اليوم الثاني نزل على طول :1 (5):
المشكلة الحين إني ما خليت دكتورة ما رحت لها
1- د.فوفو
2- د.رخاء الكيلاني
3- د.أوراس عبد الرحيم
كلهن يقولن لي عندي الرحم مقلوب ومسحت عند أكثر من وحه وما اعتدل وضعه
وبعدين قالن لي عندج هرمون حليب والحمد لله مع الأدوية نزل معدلة والحين طبيعي على الرغم إن هالرمون ما عندي قبل ما أحمل
وما خليت كلوميد ولا ابر تفجيرية ولا أشعة صبغة
والحمد لله كل فحوصاتي بخير :1 (9):
بالنسبة لزوجي عدد الحيوانات عنده تمام بس السرعة بطيئه والحين هو بيبدأ يعالج عند دكتور
واتفقنا أنا وزوجي إن إذا ما صار حمل نسوي أنابيب..
الحين بغيت أتخبركن شو رايكن ؟؟؟؟
اللي عندها نصيحة أو نفس حالتي ممكن تفيدني ؟؟ خصوصا إن عمتي بدت تنقز بالرمسة وحرمة حماي عالطالع والنازل أنا يبت عيال الباقي نشوف انتاج غيري !!!! :1 (25):
إصبري حبيبتي والرحم المقلوب ممكن يعتدل وضعه وأختي عندها نفس الشي وبعد سنة حملت بتوأم والحمد لله
الله يجزاج خير
المفروض اتعرفين والكل يعرف بهالشي إنه هالأمر مسلم به وإنه في يد رب العالمين ..
متى مالله راد يرزقج الذريه الصالحه .. يرزقج في وقت ما تتوقعينه ..
ياما ناس عاشوا سنيين يتريون البيبي .. وما عندهم أي مشاكل صحيه ..
إن شالله بتلقيين بنات مسوين اطفال الأنابييب .. وبيساعدونج بالنصيحه ..
وإن شالله نسمع عنج اخبار حلو .. والله يرزقج الذريه الصالحه ..
ربج يقول اسعى يا عبد وأنا اسعى معاك
والله يرزقني ويرزق كل محروووم
ما حبيت ألجأ للأنابيب قبل ما أسأل ممكن يكون حد مرت عليه نفس حالتيه أو سمع بنفس الشي
هذا الشي بالاخص بيد رب العالمين
ما يقدر حد يوقف في وجه نصيبه و يغيره
لكن ما دمتي انتي و زوجك بتتعالجووا فاكيد بتلاقين الحل
لا تستعجلي باطفال الانابيب لانه الصراحة انا اخوي ومرته ما يجيبون اولاد و سووها مرتينو ما ظبطت معاهم
لكن في ناس بعد سنوات زواج يرزقهم ربنا
انتي خلي ايمانك بربنا قوي و خلي اقتناعك انه يوم يجي نصيبك بتاخديه و بتجيبي اولاد و لا تخلي اي شي يأثر على نفسيتك
يمكن ربنا ادرى مني و منك و من اي حد يحاول يرمسك برمسة زايدة
بسبب تاخير الحمل عنك
انتي اسعي في العلاج و حاولي مع زوجك و لكن لا تسوي شي بس لارضاء الغير
سوي شي انتي مقتنعة فيه اقتناع شخصي و لا دخل لاراء الغير فيه