تعبت والله من الكتمانومن الوحده ياللي اذبحتني اه يا قلبي 2024.

بسم الله الرحمن الرحيم

السلام عليكم ورحمه الله وبركاته

اشحالكم خواتي عساكم بخير حبيت اليوم ارمس عن نفسي اطلع ياللي في خاطري تعبت من الكتمان
والله ما اعرف كيف ابتدي وياكم يا خواتي وادري انتوا ما راح تقصرون ويايه والله يعطيكن العافيه

بغيت اربيعات والله ماليت من الوحده ما في حد ويايه من بعد اختي المرحومه واربيعاتي والله ياللي حبيتهم راحوا من الدنيا ويش ابغي من الحياه دام ياللي احبهم راحوا من الدنيا ليش ياللي احبهم خلوني بروحي والله اريد ارحل من الدنيا ما ابغي شي منها اريد اكون عدال اختي المر حومه مدفونه
والله احس ان الله يحبني هاك اليوم اختيه قبل ما توفى اختي شاعره وانا احب شعرها خليتها تسجل قصايدها بصوتها وانا كانت مستانسه كاني خذيت وكانت اختيه المرحومه تضحك عليه ليش انا محتفضه بشريط مسجله صوتها تقول والله انتي تحبني وايد تقولي لو انا موت شوه بتسوين بدوني والله خبرتها ما اقدر اعيش بدونج افضل موتي ولا موتج لاني ما اقدر اكمل الحيه بدونج كانت تقولي غيري حياتج انا موب عايشه لج لازم تعرفين على اربيعات والصدقات كانت اقول ما احب المهم انتي عدالي هههههه وكانت تعصب مني كانت تزعل عليه وايد كانت ما احب اطلع مكان دوم في البيت حتى السوق ما احب اروحه معتمده عليها في كل شي وسبحان الله كانت حاسه انها راح تفارقنا وكانت تقول يا اختي اطلعي شوفي حياتج وصدق عندي اربيعات من توفت اربيعتي فاطمه والله تميت اصيح انصدمت ان كان فيها سرطان بي الدم حزنت عليها هاي كانت اولى فيهم وبعدها بي سنه اربيعتي وديمه وامها بحادث وبعدها توفت اربيعتي ديانا بعد مرض السرطان وبعدها كانت اختي المرحومه وكانت اكبر صدمه في حياتي اني افارق اختي وياللي انا حلمتها انها توفت بعدها والله العظيم بي يومين توفي حسيت انا سبب في موتها ما اقول غير ربي يرحمهم ويغفر لهم يارب ارحمهم برحمتك يا ارحم الراحمين من خبرتها الحلم والله كانت تضحك من قلبها تقول يا اختي انتي متعلقه فيه عشان كذا انتي حلمتني وانا والله صحت من قالت لي هذا الكلام والله هيه ادمعت عينها وقالت والله انا احاتيج ما اعرف كيف شوف بتسوين من بعدي ياليوم انا من بعدها كرهت الدنيا ما ابغيها ما احب الحياه ابغي ارحل من الدنيا واكون عدال اختي المرحومه سامحوني يا خواتي والله ما كان ودي اقول بس والله تعبت من الكتمان
والله من كثر ما اشتاق حق اختي مسجله صوتها وهيه تقصد قصايدها احس انها موجوده ويايه
ادري غثيتكم سامحوني يا اخواتي

اختي من توفت كان عمرها 20 توفت في سنه 2024شهر 9اليوم 26 مغرب
الله يرحمها بي رحمتك يا ارحم الراحمين

ويه ياختي ..

ادري اني مهما قلت .. فان كلامي .. ما بيقدر ينسيج احزانج ..

بس يالغاليه .. نحن خواتج وموجودات وياج ..
صدقيني هالكلام مب بس ان رمسه وبس ..

عزيزتي .. بالنسبه للي ماتو .. الله يرحمهم .. ويجعل مثواهم الجنه ..
ادري والله شي صعب جدا جدا .. ان يتوفى شخص عزيز على قلبنا ..
بالذات الاخت ..

بس انتي ما تقدرين ترجعينها .. ولازم تترحمين عليها ..
الموت .. ما يرحم .. وما يستأذن من حد ..
ترى هذا يومها ..
وربج كاتبلها هالعمر وبس ..

انا ما بقول لج انسيها و انسي جزنج
لان مالي الحق بهالرمسه ..

بس انتي كل ما تتذكرينها .. اترحمي عليها .. وادعي لها ..
وان شالله .. بتشوفينها فالآخره ..

اقري قرآن .. وحاولي انج تقضين وقتج بأي شي ..
واختج .. بتم معزتها فقلبج ..
ولكن الحياة ما تنتهي عند وفاة اي شخص ..

يعني خلي قدوتج الرسول صلى الله عليه وسلم
لما مات ولده ابراهيم ..
شوفي كان كان صابر .. سبحان الله

ياختي .. قوي ايمانج بالله ..

وان شالله ربج بيفرجها

تسلمين يا قلبي على الرد الطيب يارب تصبرني وتعطني الصبر وتفرج همي يا ارحم الراحمين

——————————————————————————–
اللهم ارزقني قبل الموت توبة وعند الموت شهادة وبعد الموت جنة*
*اللهم ارزقني حسن الخاتمة*
*اللهم ارزقني الموت وأنا ساجد لك يا ارحم الراحمين*
*اللهم ثبتني عند سؤال الملكين*
*اللهم اجعل قبري روضة من رياض الجنة ولا تجعله حفرة من حفر النار*

صدقتي يا اختي على الكلام ياللي قالتيه

بس يارب تعطني الصبر على فراقها
ياارحم الراحمين