تعديل في دستور المكياج 2024.

كيفكم اخواتي البنات ..
حبيت اليوم اطرح لكم موضوع مهم جداااا..
اللي حاصل عليه ضجه كبيره..
والاهم من ذلك البناااااات اللي متقبلين الوضع وبالعكس اونه ما يهمهن شي؟؟؟
راح ادخل بالموضوع وهو عن زيادة اسعااار الميك اب ؟؟؟
بشكل غير طبيعي وملفت مع العلم انه في ارتفاع مستمر؟؟؟؟؟
ابصرااحه انا انساانه احب الميك اب والاناقه عموما واشجع كل بنت تهتم بجمالها واناقتها
ورشاقتها كونها فتااه…
بس بحدود يعني اسوي شي يرضي رب العالمين وثم يرضيني
واللي حاصل ما يرضي رب العالمين لانه يا بنات معقووووله عرووس تحط ميك اب لمدة 3 ساعات ع بعضها ب 12 الف درهم؟؟؟؟؟
هيه ب 12 الف واكثر بعد …؟؟؟
انا اشوف واسمع انه البنات هالايام ما يرضون يسوون مع اللي سعرها رخيص اونه مب شي
مع العلم في خبيرات ما ياخذون وااايد بس والله مكياجهم احسن من اللي رااافعه السعر فووووووووووووووق..
وبعدين اكثر الخبيرات اللي سعرها عااالي تسوي للعرووس مكياااج دفش اونه عرووس
بس بالعكس العروس لازم ما تغمص ويها بالميك اب واااااااايد وتمسح ملامحها بالذمه كيف بيتقبلها الزوج بهالشكل في ليلة عرسها؟؟؟
وخاااصه اللي تسوي اونه ستايل جديد والشذو ناازل لي تحت خدها؟؟والشفايف مكبر بطريقة بشعه؟؟ والسموحه ع هالكلمه
بصراحه اعرف خبيرة تجميل من سنتين سعرها 2000 درهم للعروس وامسات اتصلت فيها قالت 7000 وحسب الاماره؟؟ يعني كم مثلا 10000؟؟؟؟؟اذا راحت لاماره ثانيه؟؟؟
(للعلم) بدون تسريحه ….
بصرااحه لازم نتصرف ونشوف حل لهالموضووع نحن ما يالسين (فاعقارات )ولا يكون بعد المكياج ياخذونه حسب (الدولار) والا (اليورو)؟؟؟
ابصرااحه كل شي جايز ..
يا بنات ويا خبيراااااااات تجميل اناشدكم بتعديل هذا الدستور اللي ماله نص ولا بنود..
وكونوا وياي لانه الموضوع غير مستهان به…؟
ع الاقل ميك اب ما يتعدى 3 او 5 الاف ….حتى هذا وااايد
نحن صح عايشين بالخليج والحمد لله في نعمة ورفاهية بس هذا الشي ما يرضي الرب..
وهذا ما يمنع انه نحن نتكلم في هذا الموضووع ..ونشوف له حل..
واتمنى من الخبيراات اللي هم راس الموضووع بأن يتابعوا الموضوع بهمه وما يستهينون فيه…

ومن قول القرآن (وَهُوَ الَّذِي أَنشَأَ جَنَّاتٍ مَّعْرُوشَاتٍ وَغَيْرَ مَعْرُوشَاتٍ وَالنَّخْلَ وَالزَّرْعَ مُخْتَلِفاً أُكُلُهُ وَالزَّيْتُونَ وَالرُّمَّانَ مُتَشَابِهاً وَغَيْرَ مُتَشَابِهٍ كُلُواْ مِن ثَمَرِهِ إِذَا أَثْمَرَ وَآتُواْ حَقَّهُ يَوْمَ حَصَادِهِ وَلاَ تُسْرِفُواْ إِنَّهُ لاَ يُحِبُّ الْمُسْرِفِينَ ) الأنعام 141

قوله { إن المبذرين كانوا إخوان الشياطين }

وَقَالَ النَّبِيُّ صَلَّى اللَّهُ عَلَيْهِ وَسَلَّمَ كُلُوا وَاشْرَبُوا وَالْبَسُوا وَتَصَدَّقُوا فِي غَيْرِ إِسْرَافٍ وَلَا مَخِيلَةٍ (البخاري)
وَقَالَ ابْنُ عَبَّاسٍ كُلْ مَا شِئْتَ وَالْبَسْ مَا شِئْتَ مَا أَخْطَأَتْكَ اثْنَتَانِ سَرَفٌ أَوْ مَخِيلَةٌ (البخاري)
عَنْ ابْنِ أَبِي مُوسَى عَنْ أَبِيهِ عَنْ النَّبِيِّ صَلَّى اللَّهُ عَلَيْهِ وَسَلَّمَ أَنَّهُ كَانَ يَدْعُو بِهَذَا الدُّعَاءِ: ( رَبِّ اغْفِرْ لِي خَطِيئَتِي وَجَهْلِي وَإِسْرَافِي فِي أَمْرِي كُلِّهِ وَمَا أَنْتَ أَعْلَمُ بِهِ مِنِّي ……. الحديث )البخاري
عَنْ ابْنِ عُمَرَ قَالَ رَأَى رَسُولُ اللَّهِ صَلَّى اللَّهُ عَلَيْهِ وَسَلَّمَ رَجُلًا يَتَوَضَّأُ فَقَالَ لَا تُسْرِفْ لَا تُسْرِفْ (ابن ماجة)

اتمنى ا ن نلاقي حلا لهذه المشكله..؟؟؟؟

والسمووووووحه حيييييييييييييييييل…

الله المستعاااااااااااااان،،

الوحده ترضا برزقهااا … والله كريم ياأختي ..

يعطيج العافيه ع الموضوع الطيب ..
ربي يحفظج من الشررر =)

مكياج ب7000 لا وانتو تبونه ب5000

الله

شنو هالاسعار

انا ارقى صاااالون يسوي مكياج للعروس ب250 يعني 3000 عندكم هذا اغلى شي هذا للعروس بس

في ناس ب200 بس

شدعوى ليش هالاسعار

الله يعينكم شنو هالمبالغه عاد

مكياجهم من ذهب

وخوات العروس او المرافقات او وحده عاديه بتحط يطلع عليها اغلى شي 70 مكياج كامل مع كريم جسم ورموش وشعر

انا اسوي مكياج كاامل عند صالون روعه مع رموش وكريم جسم والكل يسالني عنه ب45 دينار بسسسسسس يعني 500 درهم

مكياج ب7000 لا وانتو تبونه ب5000

الله

شنو هالاسعار

احنا ارقى صاااالون يسوي مكياج للعروس ب250 يعني 3000 عندكم هذا اغلى شي هذا للعروس بس

في ناس ب200 بس

شدعوى ليش هالاسعار

الله يعينكم شنو هالمبالغه عاد

مكياجهم من ذهب

وخوات العروس او المرافقات او وحده عاديه بتحط يطلع عليها اغلى شي 70 مكياج كامل مع كريم جسم ورموش وشعر

انا اسوي مكياج كاامل عند صالون روعه مع رموش وكريم جسم والكل يسالني عنه ب45 دينار بسسسسسس يعني 500 درهم