قررت اتحدى نفسي الضعيفة خواتي 
واتبع لمدة شهر حمية شوي قاسية عشان انقص وزني تابعوني وشجعوني
الوزن :- 92
الطول :- 165
الهدف الإول :- 80
الهدف الثاني :- 75
الهدف الثالث :- 70
الهدف الرابع :- 65
رجيمي راح يكون كالتالي
الريوق :- سوائل واذا يعت باكل تفاحة او 2 بيض مفور ويا نسكافيه مع حليب منزوع الدسم محلى بظرف واحد تروبيكانا سلم
الغداء :- سلطة او تكة مشوية او شيش طاووق مشوي
العشاء :- زبادي قليل الدسم او خيار مع روب او كوب كورن فليكس بحليب منزوع الدسم
تابعوني وشجعوني
يالله ربي يوووفقج وتنزلى الوزن المطلوب
واحس لو استمريتي على نفس الاكل بتطفشي حاولي تنوعي والله يوفقج متابعينج
انت ابدئي ونحن وياج بدون تسجيل اليوميات بس النتيجه النهائيه بعد فتره مني
استمري حبيبتي و اسبحي عكس التيار و ان شا الله العزيمة و الإرادة بتكون طوق النجاة اللي بيوصلج لشاطئ الصحة و الرشاقة قريب
ان شا الله بتابع يومياتج باستمرار و تراني حاسة بالصعوبات اللي تواجهينها لأني أنا. بعد بادية دايت عند مركز نيوترشن و اليوم هو الخامس