مراحب خواتي العزيزات …
كنت اتصفح بعض المواضيع في بعض المنتديات وعجبني هالموضوع …. وحبيت اتشاركوني بمواقفكم …
لا تخلو الحياة من الفكاهه … ومن التعليقات اللي تطلع بعفويه وأحيانا تنمزج بالنغزات بذكر لكم مواقف حصلت لي ولصديقاتي …. وإنتوا عليكم التكلمه
1 – شريت بجامه من bhs ما علينا بجامتي مقلمه … ما وعيت إلا ريلي يقول لبنتي شوفي هالشرشف شنو يشبهه بالغرفه ؟؟
لا وأنا رازه ويهي وأقول الفوطه يقول : لا
وإهي ويه المخده يقولها : لا
عيزنا وإحنا ندور …. جان يقولها شوفي صروال أمج
( الدفش ما يعرف حتن يقول بنطرون أمج وإلا بجامتها )
والله عقبها حرمت أشتري شيء مقلم والسبه أهو
2 – أحب قبل لا أنام أحط روج … كل ما شافني حاطه روج قال ولييييييييه حطت ديرماااااااانه
( كح كح يسمي الروج ديرم )
3 – مره رفيجتي تقول لابسه شورت ولونه أزرق وفيه خط أبيض تقول لمن شافني ريلي قالي أيوه أيوه العنبري ..يعطيها لجاسم يعقوب وقوووووووووووووووووووووووووووووووووول
( زاهبين حق التعليقات )
4 – ورفيجتي الثانيه تقول كنت لابسه تايقر … تقول لمن شافني زوجي فجأه نقز على السرير وتلحف بالكفر قال نمر بالدار لحقوووووووووووووووووووووني
5-مره كنت لابسه تراجي المدور حيل واول ماشافه ولا يقول
بسم الله شنو هالتراجي اسد بيمر منه؟؟.gif "12 (37)")
ومره كنت شاريه صندل
يهبل وسعره 35 دينار ولا اقول له شرايك؟
ولا يقول شاريته حق الخدامه؟
ولا اطالعه جذي سكتت ولا اعطيه صج الخدامه من الجره ولا يقول
لي بعدين اتغشمر معاج حلو من صجج انتي حزته بغيت اسوي فيه جذي .gif "12 (82)")
فالحياه مليئه بمثل هالمواقف يمكن كرهتي عندك لبس من تعليقاته أو علق عليج ريلج أو أخوج أو أبوج تعليق مضحك يقهر بنفس الوقت !!؟
أترك المايك عفوا الكيبورد لكم وأنتظر المشاركه
تسلمين ع الموضوع
أنا صراحة ماشي مواقف ولله الحمد 
,,
فديت ريلي
بس اخواني يطيحون بحريمهم تشليخ
ودايما ولله الحمد حاصله ع رضاه