اشحالكم يا بطبوطات
بناااات أنا قلبي يعوووورني من جسمي وهالسمنه اللي كل ما حاول أتخلص منها تردلي اكثر وأكثر
ريلي ضعيف وانا دبله مرتين 
تخيلووووو تخيلوووووو الحرمة اللي لازم تكون كلها أنوثه ورشاقة تلاقي انها أمتن عن ريلها لا وبعد جنها أمه 
أبا الحريم الي نفس حالتي يواسوني يشاركوني هالألم وهالمعاناه لأنهم هم الوحيدات اللي يفهمون قصدي واللي احس فيه خصوصا يوم الوحده فينا تطلع ويا ريلها مول او عياده او غيره وتجابل الرشيقه والضعيفة واللي جسمها مانيكان ونحن مندسات ويا هالشحوم 
يلا المتزوجة اللي أمتن عن ريلها واللي تلاقي تعليقات من زوجها عن هالشحوم وغيره تعطينا سوالفها 
ونحن شو ورانا غير نأكل ونطمش على حالنا 
قووووود لاك 
منو بتشاركني نظام التخفيف على الأقل ربع الوجبه
بس احب لمتان احسهم حنونات وطيبات الكل لاحظته جيه اما العصقولات حارات ..امثالي ههههههههوالله فهاي صدقتي
بس احس المتينة تكون عرضه ألمصخره والشماته أكثر من غيرها يعني الأغلب يشتمت فيها حتى اليهال
مب الكل مب ما المتينات بس بعضهن
والريال يحب الجسم والرشاقة اكثر من حبه لمصخرتها وضحكها
والأحلى لو ضعيفة وجمعت بين الاثنين
ولايهمج حبيبتي أنا أبدا معاج ريجيم تعرفي كيف تبدي ولا أخبرج؟
يعني صحيا الواحد يحافظ على رشاقته