بدخل في الموضوع على طول
الله يسلمكم انا عندي بنت عمرها سنتين و شهرين الله يحفظها
بديت اعلمها على الحمام و ترك البامبرز من اسبوع و نص تقريبا
الحمد لله هي مستوعبة السالفة بس ما تجي و تخبرني عشان اوديها الحمام
لازم تسويها على نفسها اول شي عقب تيي تخبرني و هالشي اللي جاب لي الضغط
و تقريبا مرتين او ثلاث مرات جات و خبرتني على طول و سوتها في الحمام
و استانست وااايد و قلت خلاص الحمد لله تعلمت و لكن عقب خمس دقايق ردت حليمة لعادتها القديمه
بصراحة تعبت وااااااااايد و في اليوم تقريبا توصخ ملابسها الداخلية كلها
و الغساله مسكينه تكرف هالايام
ابى اسالكم كم مرة لازم اوديها الحمام و كل كم ساعة ؟؟
و الموضوع كم بياخذ مني وقت ؟؟
و هل في اشياء تنباع في السوق خاصة للتعليم مثلا ملابس ولا اغراض معينة و لا اي شي تعرفونه؟؟
و جزاكم الله خير
أو قوليلها ان إذا ما سويتيها في عمرج بعطيج هديه وفعلا إذا ما سوتها يبيلها الهديه
المشاركة الأصلية كتبت بواسطة عسولة البرشا 
أو قوليلها ان إذا ما سويتيها في عمرج بعطيج هديه وفعلا إذا ما سوتها يبيلها الهديه
جزاج الله خير حبيبتي
بس من وين تاخذين الهاف؟
و هل هو النوع اللي يتغسل ولا نفس البامبرز الكلوت؟
اما عن الهدايا و الحلويات ما شاء الله يوميا اعطيها شي عشان تتشجع
بس مب راضية تتعلم
تجربتي مع بناتي أبدا معاهن من عمر سنة و 10 شهور تقريبا و احيانا قبل
على حسب الياهل ..يعني …!!
اول بنت طبعا شليت الزولية مالت الصالة لنه كانت تقعد هناك على طووول
و كنت اوديها للحمام تقريبا كل ساعة حق البول اكرمج الله و كل 4 ساعات حق العودة خخخخخ
يعني الحمد لله تعلمت تسويها فالحمام و كنت انا أسألها و هي تقولي ايه فيني ما كانت تطلب بروحها طبعا
على السنتين و لله الحمد كنت ادخلهن للحضانة حق التعليم مع اني ما اشتغل عادي ربة بيت بس حابة انهن يتعلمن
و كانو يروحون بدون بامبرز حتى المدرسات كانو يمدحونهن و يستغربون كيف أنه بناتي شلو البامبرز في سن صغير
ألحينه عندي البنت الثالثة ربي يحفظها خلها تكبر و نشوف شو بتسوي هههههه توها 10 أيام ههههه
الغلااا بإختصار كل ساعتين حطيها بالحمام و اقعدي معاها و شجعيها و شلي عنها البامبرز وقت النوم و طبعا
تحملي الغسيل و الكوي هالفترة لين تتعلم فديتج
الله يصبرج