تــــجمع الحوامل البــكر . أحلى تجمع ^_^ 2024.

حبيت أفتح ها الموضوع (مادري اذا انطرج من قبل بس ما جفته موجود ف الصفحات الثانيه و الثالثه فقلت أفتح واحد)

أكيد أول ما عرفتوا انكم حامل كان شعور يخوف على فرحة و على صدمة ..مكس فيلنقس!!!ههههه لأنه أول مره
كيف كانت ردة فعلكم ؟
كم سنه طافت ع زواجج ؟
وكيف ومتى قلتوا لأهلكم؟؟ أنا بصرااحة كنت مسححححححيه موووت >< خليت ريلي يفتح الموضوع
أحسني بعدني بيبي ف عين أمي و أبوي بالذات

وين تتوقعون تربون..؟
ف أي شهر انتوا الحين؟ و كيف رياييلكم وياكم؟
وشو النفسية و التحضيرات…………..الخ!!

أكيد أول مولود غير عن الثاني و الثالث .. (كلهم فرحة)بس أقصد من ناحية التجهيزات لأنه أول مره و ما عندج خبرة.. وكل شي تبين تشترين…

فخلنا نشارك بعض الاقتراحات و السوالف الحلوة و معاناتنا.. وكل شي..

أتمنى تتفاعلن وياي…

وشـــــــــــــــــــــكرا

بانتظار ردودكم

و هيه نسيت اقولج ،،،
عرست 10-10-2010 ~
و آخر دوره كانت 27-10-2010 ~
يعني ما شفت الدوره الا مره وحده عقب عرسي ~
و عقب حملت الحمدلله ^^
اليوم كملت 8 شهور معرسه الحمدلله ^^,
و عقبال العمر كله :$ ~

المشاركة الأصلية كتبت بواسطة β♥Ṣ

هلا حياتي مياو مياو ،،
انا الحمدلله تمام و شوي مب تمام ^^,
طبعا انا بجريه ( هاذا اول بيبي حقي فديته ،، الله يطلعه بسلامه و يسهل عليه حمله و ولادته و تربيته )
شعووووري ،، امم ،، هههههه ~ كنت مب مصدقه و سايره المستشفى عشان التعب الي فيني !
و مستبعده سالفة الحمل مليون % ،، خاصه ان كل حد كان يقولي
اذا دورتج مب منتظمه ما بتحملين بسرعه ،، و ظروف ثانيه كانت مخلتني استبعد الحمل حبتين !
بس من داخلي والله كنت حاااااااااااااااسه اني حامل !
و قلبي يدق يدق و انا سايره المستشفى !
و من عرفت ،، ههههههههههههه انصدمت و جي ويهي عليه علامة استفهام
و مب مستوعبه الوضع و طبعا بعلي العزيز ويايه !
و هو كان يقول حامل و انا اقوله لأ لا تحط امال و مادري شو
معني كنت حاسه اني حامل ،،
بس ما بغيت يطلع العكس و اخليه ينصدم و جي !
طبعا فرحنا و بعلي فديته دمعت عينه ،، خخخخ
و انا جي بعدني مصدومه !
من ركبت السياره اتصلت في ماماتي قلت لها
و فدييييييييييييتها استانست ~
بس هي بعد كانت مصدومه
خاصه اني صغيييييره حبتين !
و هي روحها صغيره و انا اول وحده اعرس
و جي يعني ،، جنه كانت حاطه في بالها اني ما بحمل من البدايه
خخخخخ /،/ بس عاد ارادة الله فوق كل شي ~
و خبرنا عمتي اليوم الثاني لانها كانت راقده لان الوقت كان متأخر @
و جي عقب كل حد عرف
نصهم مني و نصهم من ماما و نصهم من ريلي و نصهم من خالوتي ( عمتي )
و ان شاءلله اذا ربي سهل بربي فالوصل ^^
و انا الحين فالشهر السابع ،،،
و الحمدلله خلصت كل تجهيزات البيبي
بس باقي اشيا بسيييطه وايد
و انا بعدني ما سويت لي شي
ان شاءلله بحاول اخلص في هالفتره ^^
و باقي توزيعات البيبي و تحضيرات المستشفى !
و ان شاءلله بخلصهم خلال هالشهرين اليايين ،~
عشان فالتاسع افضى حق المشي ( لو ربيت طبيعي ان شاءلله ) ~
و من ناحية معاملة ريلي ،،
فديته حاطني فعيونه بس بعد ساعات احسبه يمل من كثر تقلب المزاج
خخخخخ ،، بس ما يبين لي واايد ~
هع هع ~
و بس هاي تجربتي ^^
و نتريا تجارب البجريات ~
/

و هيه نسيت اقولج ،،،
عرست 10-10-2010 ~
و آخر دوره كانت 27-10-2010 ~
يعني ما شفت الدوره الا مره وحده عقب عرسي ~
و عقب حملت الحمدلله ^^
اليوم كملت 8 شهور معرسه الحمدلله ^^,
و عقبال العمر كله :$ ~

يا ويـــــــلي كيوووت !! عروووس يعني
مبروووك و الله يتمملج على خيـــر..
انا صاري سنتين من عرست.. بس أنا أحسبها سنه لأنه السنه الاولى ما أجووف ريلي الا من بين من شهر اسبوع أو اسبوعين… كان كله يسافر

وحاااسه ف نفس احساسج بالضبط!! انا بعدأكبر وحده و أول وحده أعرس من خواني و خواتي و أمي بعدها كتكووته.. فأحس بعدها انها تكون يده بس شو نسوي خخخخ هدية من رب العالمين..
وبعد أول ما تأخرت عندي الدوده (اسمي الدوره الدوده لاني استحي اقوولها هاااع >< ) ما كنت أعطي أمل حق ريلي اني حامل لأني ما ابا أفرحه و آخر شي يطلع العكس..

الله يتمم على خير ان شاء الله..

حلو الموضوع واحسه باذن الله بيفيدنا

انا هذا ثاني حمل لي بس اول حمل ما اكتمل ونزل بعد شهرين الحمد الله على كل شي

وبعد 9 شهور من الاجهاض حملت ولله الحمد وحاليا في الشهر السادس وربي يتمم علينا بالخير ويرزقنا بالذريه الصالحه

ماكنت ابداااا متوقعه اني حامل هالمره سبحان الله ريلي كان حاس اكثر مني انا مستبعده الموضوع كليا وتاخرت الدوره اسبوع وانا عااااااااادي مطنشتنها كان يقولي بشتريلج فحص منزلي وانا اقوله ليش تخسر عمرك بتيني احسها بتنزل

بس سبحان الله رب العالمين رزقني له الفضل والمنه

هالمره ما خبرت حد ابدااا اني حامل ويوم دخلت الثالث قلت حق امي وخواتي وامه وخواته بس ولحد الحين فيه حد يعرف وفيه حد ما يعرف اني حامل ^__^

بديت اجهز لي وللبيبي فديته بس بعدني يادوب توني باديه لكن ابا اخلص خلال الشهرين اليايات ابا اشطب كل اغراضي في الثامن باذن الله وفي التاسع بكون في رمضان ابا اتفرغ للعباده والمشي واستمتع باجواء رمضان الحلوه مابا اطلع سوق ابدااااا ..

الحين كملت 3 سنوات زواج ولله الحمد

الحمد الله رب العالمين انا وريلي متفاهمين وايد ربي لا يغير علينا وايد يهتم فيني ويساعدني ومايلومني اذا قصرت فشي لانه يدري اني مب جي ولا هذا طبعي بس تعب الحمل ولله الحمد
ربي يخليه لي ولا يحرمني منه ان شاء الله ..

الله يثبت حملي وحمل كل حامل ويعدي الايام اليايه على خير ويرزقنا بذريه كاملة الخلق والخلق ..

مبرووك عليج والله يتمم لج يارب ^________^

هيه انا بعد عقيت أول بيبي ف الشهر الثاني.. بس ما كان له نصيب كانت فتره كئيبه فحياتي
ونفسيتي كانت وايد تعبانه من وايد أشياء…. بس ما أبا أتذكر هذيك الأيام
وابا افتح صفحه يديده ف حياتي

وهذا اعتبره اول بيبي لي.. لأني بصراحه ما حسيت ف الحملة الاولى و كانت نفسيتي السيئة طاغية على الحمل و الوحام.. وسويت نفسج ما خبرت حد لين خلصت 12 اسبوع (يعني عديت مرحلة الخطر)

حلو الشعور و انا ابا أرد البلاد اليوم قبل باجر عشان أبدا اتشرا حق البيبي من الحين…أخاف أثجل بعدين وما اروم اتشرا خخخخ

المشاركة الأصلية كتبت بواسطة مياو_مياو

يا ويـــــــلي كيوووت !! عروووس يعني
مبروووك و الله يتمملج على خيـــر..
انا صاري سنتين من عرست.. بس أنا أحسبها سنه لأنه السنه الاولى ما أجووف ريلي الا من بين من شهر اسبوع أو اسبوعين… كان كله يسافر

وحاااسه ف نفس احساسج بالضبط!! انا بعدأكبر وحده و أول وحده أعرس من خواني و خواتي و أمي بعدها كتكووته.. فأحس بعدها انها تكون يده بس شو نسوي خخخخ هدية من رب العالمين..
وبعد أول ما تأخرت عندي الدوده (اسمي الدوره الدوده لاني استحي اقوولها هاااع >< ) ما كنت أعطي أمل حق ريلي اني حامل لأني ما ابا أفرحه و آخر شي يطلع العكس..

الله يتمم على خير ان شاء الله..

ههههههههههههه ،،،
فديتج انتي بعد عروسه ^^
يا عمري طلعنا نفس الشي !
خخخ ،، يمكن اعمارنا بعد نفس الشي !
انا من قوم مواليد 90 ،، هع
و انتي
ههه ،، و شو الحمل وياآج الحين ؟!
تحسين بالبيبي ؟!!