[ تقرير رحلتي إلى لبنــــــان ] ~* 2024.

تقرير بسيط عن رحلتي اللي قضيتها ويا الغالي
في ربوع لبنان …

الجو ما ينوصف ، البروده حلوه ، وايام تمر علينـا ومطر مايوقف
يعني بـ اختصـار –>> جو بو نفرين

°
§
°

أول يوم وصلنـا المطار على وقت الضحى تقريبا

رحنا الفندق [كراون بلازا Crowne Plaza ] عشان نسوي check-in

[ اللوبي ]

[ الممر إلى الغرف]

* مكان الفندق وايد حلو لأنه يقع في شارع الحمرا وهو شارع حيوي ، دوم فيه حركه
وكوفيات ومطاعم ومحلات على اليمين واليسار

°
§
°

ثاني يوم – بعد الفطور تلبسنا ، وكانت الوجهه صوب جبال الفاريا ، وهي المنطقه الثلجيه عندهم

فيه عدت اشياء الواحد يقدر يسويها ، مثل التزلج ويكون معاكم مدربين ، أو تأجير السكوتر
وهي الدراجه اللي ع الثلج ، ونحن خذناها وكان وايد حلو

°
§
°

ثالث يوم ، رحنــا صوب مغارة جعيتا ، وهي من المناطق الاثريه في لبنان
التصوير ممنوع داخل المغاره ، وهاي الصور من الخارج

°
§
°

رابع يوم ، سرنا على التلفريك اللي في منطقه حريصه ، اول مره اركب تلفريك واخاف
يمكن لأن كان ينتقل من فوق الشارع ويروح صوب الغابه وبعدين لين فوق الجبل
يعني انتوا اركبوا بس لا تطالعون تحت

وهذا المنظر من فوق على القمة

،

خلاف رحنا صوب صخرة الروشه

*الصورة نزلتها من النت

تغدينا في بيتي كافيه اللي هو مجابل الصخرتين ، المنظر روعـه بس للأسف ما صورت

°
§
°

خامس يوم سرنا صوب منطقة جبيـل ، وهي منطقه ع البحر وفيها قلاع

وتغدينا فـ مطعم اكله كان لذيذ وفرش اسمه ~ على البحر ~

°
§
°

سادس يوم ، وهو آخر يوم ودعنا بيــروت ورجعنـا لأرض الوطن بالسلامه

والسموحه على القصور

.
.

من شفت صور الثلج حسيت فبروووووووووده

ان شاء الله دووووووووم تسافرين وكل مره تحطين لنا تقرير حلو مثلج

الحمدلله على سلامتكم…

سلااامي

المشاركة الأصلية كتبت بواسطة حدي دلوعه

ما شاء الله تقرير حلو والرحله مره حلوه…

من شفت صور الثلج حسيت فبروووووووووده

ان شاء الله دووووووووم تسافرين وكل مره تحطين لنا تقرير حلو مثلج

الحمدلله على سلامتكم…

الله يسلمج ويسلم غاليج

وربي يسمع منج ~ استويت احب السفر اتعاديت من الريل لووول

^___^

المشاركة الأصلية كتبت بواسطة غلاة دبي

ناااااايس
اهم شي استانستوا^_^

سلااامي

ثانكس عزيزتي على الرد والتواجد

^___^

المشاركة الأصلية كتبت بواسطة مــــيره دبــي

يااااااااااااي … أموووت على البروده وعلى الثلوووج…

حد عنده فكره لأي شهر مستمر الثلج في لبنان..؟؟؟؟

ع العموم.. الحمدلله ع سلااامتكم.. وأهم وناااستكم..

ومشكوره ع الصور الحلوه

يمكن يتم لين اخر مارس او لين نص اربعه

لأن اصلاً هالسنه ما نزل وايد عندهم ، ونحن يوم رحنا الجو شوي حار فوق
يعني مب هذيج البروده اللي تجتل ، وبعد الشمس تطلع وتذوب الثلج

الله يسملج عزيزتي ، ومشكوره على الرد

^____^