حبيت اعرض لكم صور من رحلتي لـ ماليزيا صيف 2024 لوول ادري توني تفيجت
بس شفت وايد بنات بيسافرون ف حبيت افيدكم ^^
موعد السفر: يوليو – 2024
مدة السفرة : 11 يوم
الطيران : الطيران الماليزي .. للاسف ما حصلنا عالامارات كان فل .. ونصيحة لحد
يروح عالماليزي .. لانه وايد متعب
مكان الاقامة : العاصمة كوالالمبور
بصراحة ما اذكر الاماكن الي رحناها بالترتيب .. فـ بحط صور الاماكن بشكل عشوائي
الفندق : Grand Millenium – 5 stars
تقيمي :- الفندق قمة فالروعة … فخامة ونظافة وموظفينهم وايد اوكي .. ومطعم الفندق ممتاز
موقع الفندق : بـ شارع العرب .. حواليه من اليمين مطاعم عربية وفي سوبر ماركت صغيرة
جريبة من الفندق وشي ماكدولدز بس تعبرون تقاطع .. احنا كنا نسيره له مشي مب
وايد بعيد ..وحذال الفندق عاليسار مركز البوفليون .. وايد حلو معضمه ماركات ..
فيه جمعية ومطاعم بعد .. و فالتقاطع الي فيه ماكدولندز شي مركزين صغار بس
اغراضهم عجيييبة .. اكتشفنهم ف آخر يوم
Room View
وعالجهة الثانية Twin Towers
يتبعــــ ،،
حديقة الطيور
Butterflies Park
حديقة الفراشات
يتبعــ ،،،
الاكواريوم
أكواريم كوالالمبور وايد حلو .. حتى حسيته احلى عن الي ف دبي
Twin Towers
البرجين التوأم
ماصورته من داخل انشغلت بالشوبنق
بس اغراضهم وايد حلوة والمركز فيه مطاعم بعد
The Lake
البحيرة
الي يروح ماليزيا لا يفوت هالرحلة عجيييييييبة واحلى شي المفاجأة الي فيها *_^
هذا كان دريولنا
جنتنج
هالمكان ترفيهي و وايد حلو بعد .. في ملاهي برا و ملاهي داخل المركز التجاري واسواقهم حلوة
Sunway Lagoon
منتجع صن واي لقون
فيه مجمع تسوق كبير والعاب مائية .. بس احنا تمينا فالمجمع ما رحنا الالعاب برا
وهذا احلى مكان فالمول .. استانست فيه لوول ^^
افاموسا
هذي المنطقة بعيدة شوي عن كوالالمبر .. كله فيها عروض للحيوانات .. اول شي تركبون ف شاحنات مسكرة ب شبك حديد و نمشي بين الحيوانات .. وبعدين نتقل من مكان لين مكان حق العروض ( فيلة – قرود – طيور ) احنا ما كلمنا تمينا لين العصر وطلعنا تعبنا
Kuala Lumpur Zoo
حديقة كوالالمبور
حسيتها عادية وما تستحق الزيارة .. يعني افاموسا احلى والي يروح هناك ما يحتاي يسير هذي
هذي اختي .. لوول اقصد زرافة
بالنسبة للأسواق والمراكز .. بصراحة ما اذكر وين رحنا .. بس ذكرت كم مركز فالتقرير
وللأسف ما رحنا ولا جزيرة لاني اختي عندها يهال وقالت ماقدر اتنقل .. والي بيروح هالسنة عالاقل يقعد ف جزيرة وحده ^^
وانشاءالله عيبكم التقرير
واي استفسار انا حاضرة =)
لوول ونسيت اراويكم .. ها دريلونا ودليلنا السياحي طولت الرحلة ( بو محمد ) وما اذكر شو اسم شركته السياحية لأنه اختي الي كانت حاجزة كل شي
