مساء الخير والفرح والسرور يا سيدات وبنات المندتى الحلو
محبات السفر عامة وبالأخص الى بريطانيا العظمــــــــــــــــــــــــى
مرحبا وحياكم الله في تقريري من تعبي وجهدي شامل المعالم السياحيه في برمنجهام
المطاعم المولات والأسواق والمتحاف والباصات والقطارات من والى لندن وداخل برمنجهام نفسها
وطبعا لشقق والفنادق اللي فيها
صدقوني غيرو عن لندن شوي بالذات في الصيف كيف تستوي زحمة مرة على الأقل تضربون عصفورين بحجر يعني شوي لندن وشوي مناطق من بريطانيا
عن نفسي انا من النوع اللي احب اغير وقد ما اقدر اشوف مناطق وبلدان طول ما انا مقتدرة وعندي الميزانيه الكافيه عسب ارفه عن نفسي وخاطري
انا ايام دراستي كنت ما افوت فرصه الا واسير منطقه واشوف واتعرف على مناطق بريطانيا االعظمى
وكان عندي ربيعات في كثير من مناطق بريطانيا والحمدلله قدرت اسير قد ما قدرت كنت ايام العطلات ما اسير البلاد اتم اقول سعر التذكرة اللي بسير فيها البلاد اسير ارفه عن نفسي واخذ فترة نقاهه اثناء العطله وان كانت مدتها قضيرة المهم اني اجمع صور في ذاكرتي عن هالبلد اللي تميت فيها طوال 4 سنسن من عمري 
اليكم التقرير وايد سولفت لا 
اول شي بقول لكم كيف اتسيرون من لندن وبحط لكم الرابط اللي تقدرون تسجلون وتحجزون فيه قبل لا تسيرون هناك وتطلع لكم تذكرة القطار بلالالالالالالالالالالالالالالالاش
ادخلو على هالموقع مال حجز تذاكر القطارات وسجلو فيه وبعدين حطو الوجهه من لندن يوستن الى برمنجهام سنترال وعبو البيانيات واختارو تاريخ ووقت الرحله وبعدين ببطاقة الفيزا او الماستر تقدرون تحجزون جدا سهل الحجز
https://www.firstgreatwestern.co.uk/
او لكم خيار ثاني
اذا ما تبون تحجزون عن طريق النت تحجزون من هناك من لندن تسيرون محطة لندن يوستن تحجزون من شباك التذاكر اللي هناك وتشترونها وقبل لا تشترونها اشترو بطاقة اسمها فاميلي ترافل كارد اتكون تخفيض اذا كنتو عائله واصدقاء
https://www.firstgreatwestern.co.uk/Content.aspx?id=1601
بعين يا حلوات يوم تخلصون حجز من محطة لندن يوستن بيكون مدة ساعتين الى برمنجهام تقريبا في القطار السفر بالنسبه جدا جدا ممتع لأ،ي احب اطالع الطبيع اللي خلقها الخالق وامتع انظاري بالأجواء الرائعه اللي نحنا هنا طبعا ماعندنا سبحان الله الله عطاهم الآخرة في الدنيا المهم <<< انتي وايد تثرثرين هع
انزين بتوصلون محطة السنترال في برمنقهام طبعا هي عجأه وزحمة ويوله والناس تراكض وحالتهم حاله وهي كبيرة المحطه انتبوهو لعيالم وامتعتكم وشناطلكم عاد
المهم في دري ياخذكم لين فوق يوديكم برع الى المدينه الجميله الروعه اللي عشت فيها احلى ايام عمري ….. لا تسألوني ليش بخبركم بعدين قصه طويله
بعدين بتشوفون البوابه توديكم برع وبتشوفون اسكليتر دري متحرك يوديكم فوق بعد برع بس شوووووو ويييييين يوديكم الى الشوووووووووووووبينج الروعه اللي يوميا عقب ما اطلع من المعهد امر من عداله لأن المعهد كان مناك
نبدى من البوابه اللي تحت اللي توديكم للتكاسي والباصات حبيباتي في بريطانيا انا نادرا ما استخدم تكسي لأ،هم نصابين وياخذون فلوسنا حرام مساكين الخليجييين بسرعه ينقص علينتا بس كونو اذكى منهم واستخدمو ارجلكم في المشي
بعطيكم عنوان سكن مرررررررة ف وسط السوق وعدال محطه القطار وسط المطاعم والحشرة مرة بس راقي وحلو واسعارة معقووووووووووووووله
رابطهم وعنوانهم كله في الرابط
https://www.premierapartmentsbirmingham.com/
https://www.premierapartmentsbirmingham.com/location.php
بعض الصور والصور الباقيه فيها العائله الكريمه فا صعب امسح بتنمسح كل معالم الصورة
انصحكم جدا بهالسكن شقق فندقيه راقيه واسعارها روعه مناسبه للجميع هي في مستوى كمبرلاند لندن وبتستانسون فيه ان شاء الله وبتدعون لي
ومن بعض الفنادق اللي هناك ما سرتها بس معت عنها من ربيعاتي وخواتي انها زينات وكلها وسط السيتي سنتر يعني كله مشي
هذا رابط فندق عائلي اقتصادي اسعارة مناسبه واقتصاديه اعطيه نجمتين ونص واكثر شي يسيروة طلاب عسب يكون 3 كرافي بغرفة وحده
https://www.ibishotel.com/gb/hotel-14…re/index.shtml
هذا بعد فندق هوليدي داي ان اكسبرس بعد اسعارة حلوة ومناسبه واقتصاديه
https://www.hiexpress.com/hotels/us/en/bhxln/hoteldetail
شي بعد كراون بلازا , رمادا, برميير ان وكلها حلوة
انزين يوم بتوصلون يا طويلات العمر حطو اغراضكم بالفندق وريحو وبعديييييييييين سيرو هالمجمع الرواعه وكله طبعا مشيا على الأقدام اذا ما دليتو اللي يسأل ما يتووووه من الشقه الى المجمع ضربة حصى بس يعني دقيقتين بس تقطعون الشارع وهو هناك تبدا السوق من الشارع المقابل بتمشون وهناك شي بازار يوميا اعتقد فواكه وخضار وخرابيط جي يعني مكسرات وغيره بعدين بتشوفون كنيسه عووووووده مقابلها درييي تركبون وهناك المول اسمه BULL RING MALL مشهور هناك وهذي بعض الصور
داخل محطة القطار صوب البوابات اللي للتكاسي وللي للدري فوق للسيتي الدري عدال برجر كينج لين فوق تلفون يسار من صوب صب وي تمشون سيده بوابه اطلع للسيتي
هذي صورة من فوق للكنيسه والمجمع من هالصوب يوديكم للشقق
صورة المجمع من برع
من داخل
هذي صورة BULL اللي هو الثور لأن هو شعار المجمع
صورة المجمع من صوب جهة التكاسي يوم خبرتكم
من ورى المجمع
هنا اول ما تطلعون من بوابة محطة القطار يوم خبرتكم اتسيرون دري لين فوق يطلعكم على السيتي مالهم ……
واللي بتسييييييييييير لاتنساني يوم بتشتري من هالمحل اللي اكثر من راااااااائع والله يوم ادشه اتم فيه 4 ساعات وما احس طبعا دووووووووووووووم زحمة ويكاند ولا غير ويكاند احب هالمحل ودي امتلكه وهو يكون مقابل للبنك HSBC اللي بالصورة القبليه
IM LOVEN IT
انزين عزيزاتي خلصنا من الشوبينغ واليوله والحوسه وريولاتنا تكسرت من المشي تعالو نسير المحطه الثانيه في ثاني اكبر مطقه في بريطانيا العظمــــى
اكيد يعتو وودكم في اكله شهيه ومشبعه للغايه صح يالله يا حنطوووور امشي لألذ مندي ذقته صراحة
هني لازم تاخذون تكسي يوديكم للمطعم وهناك كذا مطعم بس انصحكم بمطعم بدر قولو حق التكسي مطعم بدر كوفنتري رود وهناك شارع كله مسلمين ومساجد وعرب وغيرهم وبقالات عربيه وذبح اسلامي 100 100 خله يوقفكم هناك والمطعم في غرف للعائلات مسكرة وزوينه ما بنصحكم بالباص
لنكم بتتريو وايد وزحمه واللي عندهم يهال صعب عليهم بالعربات وغيرة اسالوني
ان شاء الله بكمل لكم بعدين في تقرير ثاني تكمله لهالتقرير عن برمنقهام ومانشستر وليفربول وبرايتون ووووو وايد امكان راح تستمتعون ان شاء الله اهم شي
لا تنسوني من الدعاء لأني تعبت وانا اكتب الموضوع ادعو لي وحق ريلي بالتوفيق ان شاء الله
تقبلو تحياتي وودي
اختكم ام مريومه الأمورة
دخلت موقع الفندق وايد عيبني
وفعلا المدن البريطانيه كلها متشابهه بس الناس كلها مطيحه ف لندن
نحن العرب من نتعود على مكان خلاص^_^
بس والله التغيير حلو
مشكوورة اختي