شحااالكم بنات الله يخليكم ساعدوني
خلاص بصيح ساعدوني تعبت
مهري كامل 60 ألف و انا ادري الله يبارك فالمهور القليلة
و انا فصلت عبي و مغربيات و مخاوير و فستان الملجة و العرس و الميكب هذا كله خلصته
و تم لي 20 ألف الله يخليكم ساعدوني احس تعبت ما اعرف كيف ارتب سااااااااااااعدوني
يعني باقي لي وأيد اشيا بعد ساعدوني كيف اقسم
الله يوفقكم و يجزيكم كل خير
اشتري الضروري بكل حذر وخذي بأسعار مب عالية لباقي الاشياء
المشاركة الأصلية كتبت بواسطة شهنازووو 
شحااالكم بنات الله يخليكم ساعدوني
خلاص بصيح ساعدوني تعبت
مهري كامل 60 ألف و انا ادري الله يبارك فالمهور القليلة
و انا فصلت عبي و مغربيات و مخاوير و فستان الملجة و العرس و الميكب هذا كله خلصته
و تم لي 20 ألف الله يخليكم ساعدوني احس تعبت ما اعرف كيف ارتب سااااااااااااعدوني
يعني باقي لي وأيد اشيا بعد ساعدوني كيف اقسم
الله يوفقكم و يجزيكم كل خير
اول شي اكتبي الاشياء الاساسية اللي تبينها
من نعول، شنط، درسات،عطور الخ
وقدري سعر الاشياء اللي تبينها ع 20 الف بس مب لازم تخلصين المهر كله
مثلا النعول لا تكثرين خذي لبستين فلات، لبستين كعب .. لان عقب كمن شهر يوم تعرسين تقدرين تاخذين زيادة اذا بغيتي بس الحين حاولي تلتزمين بالفلوس اللي عندج
العطور،، لا تكثرين عن 4 عطور(احتمال يكلفنج الفين اذا كل عطر ب 500) لان العطور غاليات او ممكن تيج هدايا اذا بتسوين زهاب وجي
واكيد اهل المعرس طرشولج عطور ف بس اشتري اللي فخاطرج او اللي ريحتهن عيبنج
والشنط، حاولي تشترين شنطه ماركة وحده ورخيصه ب حدود 4 الاف مثل ال في، قوتشي، فيندي
او خلي الشنطه اخر شي واذا ما بغيتي ها الغاليات تقدرين تاخذين من ch بعد ها ماركة
مستلزماتج الخاصه مثل سوالف الجمعية، انصحج تسيرين اللولو او كارفور لانهن رخاص ،، لا تسيرين الجمعية التعاونية لانه غااليه اسعارهم
المحنية احجزيها وفي محنية بتسويلج ب الفين (واذا حد بيتحنى ويا العروس بتخليه ب الف و 500 للعروس) وانا حاجزتنها حقي ف اذا تبين رقمها كلميني ع الخاص، واحجزي لمكياج العرس
لبس النوم: حطي ميزانيه ع 3 الاف بس لا تكثريين من الغالي ونوعي من فيكتوريا سيكرت، كي لين شي جي، لاسنزا الخ
<~ انا صرفت 3 الاف ع ها السوالف وخذت كمية زينة مع بجايم
صابون الجسم والشورات، سيري فيكتوريا مسوين تنزيلات
هيه صح الحين الوقت زين لان كل المحلات مسويه تنزيلات ف بيفيدج ها الوقت
والمسكة سويها باقل من الف درهم.
انتي خذي فكرة عن الاشياء اللي تحتاجينها، وحاولي تقسمين البيزات بحيث انج تحاولين ما تزيدين عن ها الحد، وطبعاً اذا تم عندج فلوس مثلا من بيزات العطور ك 500 ممكن تضيفينها ع شي اهم
والله يوفقج، واذا عندج اي استفسار ، حتى لو تكتبين لستج هنيه ويا البيزات
ونحن ان شاء الله بنساعدج
أنا والله توصييت يوم عرسي ماخذه عطور وبخور كفوني أكثر من سنه >< وطبعا لأنه كان عندي ما كنت أقدر أخذ شي أستحي أشتري لأنه عندي
و حتى الشوزات والشنط ما اشتريت لين سنتين لأني كنت ماخذه كميه كبيره وها غلطتي طبعا
حاولي تاخذين الألوان اللي تركب ويا جم لبس مب شرط ألوان وايد عندج الشنط خذي أربع مثلا أبيض و أسود و فضي و وردي أو بيج أو الألوان اللي تحبينها بس تكون عملية بنفس الوقت و خذيلج شنطه مفصفصه مال أعراس و عزايم لأنج عروس و بتنعزمين طبعا ونفس الشي الشوزات حاولي تنوعين بين الكعوب العاليه والوسط أو حسب ما تحبين تلبسين بس حطي في بالج يكون عندج شي يناسب عزيمه
ولا تنسين يبالج اكسسوارات و ذهب مع انه الميزانيه قليله بس حاولي تاخذيلج ع الاقل طقم كامل عقد مع اسوارته وخاتم و خذي جم خاتم جي بروحهم و الباجي اكسسوار وخذيلج ساعتين ع الاقل لزوم الكشخه يعني
و الأدوات الصحيه لا تنسينها خذي ع الاقل نوعين من كل شي يعني شاور جل اثنين و شامبو و بلسم للشعر و كريم للشعر و أعواد تنظيف الاذن و غسول للويه و كريمات ترطيب للجسم و للويه و بودره للجسم بالتلك أو معطره وبادي سبراي و ليفه للجسم وشوفي انتي شو تحتاجين يعني بس حاولي تخلينهم بحدود ما تتجاوز قيمتهم الألفين
و لا تنسين تحتاجين ميكياج من أرواج و بودره للويه و بلشر و شدوهات و مسكارا وهذيلا عاد بيكلفونج مبلغ لأنج أكيد بتاخذين نوعيه زينه بس حاولي تشوفين مكان أو مكانين بالكثير علشان تقدرين تضبطين الميزانيه لأنج لو تميتي تاخذين من كل محل شي ما بتحسيين بالفلوس وبتطير كلها مره وحده
و لا تنسين تحتاجيين لبس للبيت لو بتسكنين بروحج أو مع أهل ريلج لازم في غرفتج بتغيرين ملابس ما بتميين بجلابية البيت .. فنوعي بالبجايم و القمصان والتيشيرتات و يبالج تنانير و جنزات وسوالف حلوه للطلعات الرومانسيه ويا ريلج يعني ^_* بنظري الملابس هاي بروحها يبالها ع الاقل 10 آلاف
و جدمي الذهب ع الكل و عقب ابدي بالتشطيبات الضروريه حسب الأولويه
وربي يتمم لج على خير ويوفقج
والأكل و الضيافة ؟
حطي شو ماشتريتي بعدج وعلى اساسه نقسم وياج البيزات