السلام عليكم : عزيزاتي الفاضلات من 24 /8 والدوره متخربطه عندي لذلك اكثر الأيام في رمضان
كنت فاطره ،ع العموم تمت الدوره في 15 يوم بعدين سرت العياده قالولي من الوزن لان وزني زايد
علما اني لست متزوجه ، المهم عطوني ابره ودواء اقطعت عني لمدة عشرة ايام مع انه خلال هذه الايام كانت اشياء بسيطه مثل الخيوط تنزل ولون ثاني المهم عشرة ايام ورجعت لي الدوره تميت خمسة ايام وسرت مستفى جي ام سي وسولي سونار وقالولي عندج تكيس في المبايض وعطوني علاج تقريبا نفسه ويلست عشرة ايام وردت لي مره ثانيه سرت عند الدكتوره نفسها في جي ام سي قالت هذا عدم انتظام الدوره من التكيس وقالت لي يبى ايام وشهور للعلاج ويوم تنزل الدوره يصاحبه الم شديد وفضيع ما اقدر اتحمل شو الحل والله ما ادري شو اسوي
في حد يعرف علاج للتكيس قلت بروح القاسمي وما ادري هلحين ابى علاج للتكيس مع انهم قالوا لي التكيس من زيادة الوزن ويمكن هرمونات
انا طبيبه فديتج وشخصيا عانيت من تكيس المبايض.. واسمحيلي اقولج الكلام اللي قالته الدكتوره لج مبالغ فيه شويه!!
حبوبه التكيس مب من زياده الوزن .. التكيس يسبب زياده الوزن !! والتكيس اساسا مب معروفه اسبابه بالتحديد.. لو عرفوا اسبابه كانوا منعوا حصوله..
التكيس يكون من الهرمونات.. والعلاج اللي عطتج اياه الدكتوره يمنع الهرمونات عشان جيه ماتنزل عليج الدوره..
علاج التكيس معروف وهو واحد في كل المستشفيات.. يعطونج حبوب منع الحمل اللي اسمها ياسمين.. عشان توقف الهرمونات والتبويض.. واذا مانفع وياج يعطونج الابر. وهذه 3 ابر تنعطى كل 4 اسابيع بالضبط.. راح توقف عنج الدوره وتحسين بحراره خفيفه .. وهذي الابره تثبط التبويض عندج وتقلل حجم الكيس..
اللي يصير هو… بسبب انقطاع الدوره عنج لفتره.. لما بتييج اول دوره بعد التوقف عن الادويه بتتعبين شويه.. يعني بييج الم في جسمج و تحسين بثقل والدوره بتكون اغزر.. بس ما فيه شي يخوف حبوبه.. ببساطه خذي حبه بونستان اول ماتحسين بالالم.. هذه احسن حبوبه لتقليل الم الدوره.. والزين فيها انها ما تاثر على انزال الدم..
واي سؤال اناحاضره ^__^
حااااااااااااسه فيج و الله …
انصحج تشربين أنناس الربيع من اول يوم الدوره لين خامس يوم الدوره . . .
وان شاء الله ان شاء الله ينزل التكيس …….
الله يحفظج