( رجاءً بلا هجوم , وأي أخت مو عاجبها الموضوع لا تتعب نفسها وتكمل قرأته , وأنا وضعته
بناء على طلبات الأخوات اللي جاتني على الخاص ويقولون كملي .. وكملت لخاطر عيونهم بسسس)
صراحة أنا ما عندي جديد لكن انقل لكم كلام صديقتي اللي أرسلته لي على الإيميل بعد ناقش بيني
وبينها :
( بطلق ومو ندماانه على شيء , كل إنسان يأخذ نصيبه , ومو عيب إني غلطت وتمسكت بهالشخص
وعاندت نصايح أبوي ,, كلنا نغلط , لكن العيب إني استمر بالغلط ..!
هالشخص غلطة إنكتبت بعمري ولاااازم اصححها وما أخليها غلطة للأبد ..
عندي مبادئ امشي عليها , ما أحتاج مبادئ قديمة تضيع لي حقي ,, البنت لازم تصبر على زوجها ..
ليييه ؟ لأنه زوجها ولأن عيب البنت تتطلق .. وموكل يوم عندها زوج ..
لا ما بصبر العمر يمشي , و لا بد بيوم القي شخص يفهمني , ويستاهل يشاركني حياتي ..!
ولو ما حصلته الوحدة أفضل مليووون مرة من شريك السوء ..!
أكبر خسااااااارة .. إنك تشترى شخص بكل شيء حلو بحياتك , وفجاة يطلع مغشووش ..
وتلقى نفسك خسران كل شيء وما عندك إلا هالشخص بسوء أخلاقة يذيقك أنواع الالم .. !!
حبييييييته من صميم قلبي ..!
أهديته أيامي , وشاركته عمري , وتركت قصــــــــر أبوي , وفضلت بيته البسيط ..
ومازال يشك بحبي ,, ويبغى دليل ؟؟
أي دليل أكبر من الميثاااق الغليظ اللي بينا وهو زواجي منه ..
زوجي العزيز ..
على باله إني يوم تزوجته بعته نفسي ..؟ ووكلته على حياتي ؟ أنا زوجة مو جاارية ..!
أغرقني باشياء مو محتااجتها .. ماعرف إن الجوعان مايبغى ماي يبغى أكل , وإن العطشان ما يبغى
أكل يبغى ماي ..
فحرمني من أشاء أنا محتاجتها …
أغرقني هدايا , رومانسيات , فلووس …
قلت له مليوون مرة ,, حبيبي أنا محتاجة الحرية ؟ ودي أطلع ؟ محتاجة الثقة , محتاجة الترفيه..
أنا مكتفيه ماادياً , ومتشبعة حد الثمالة من كل هالرومنسيات …
فك عني شوي خلني أتنفس أتنفس أتنفس …….
محتااااااااااااجة نفسي نفسي وبسسسسسسس ..!
زوجي حبيبي ..
سمحلي أطلع ساعات محددة , لكن بشششرط :
بصحبة سكيورتي خااص أمه أو أخته , و زرع جواسيس في الأماكن اللي أرتادها ..
منعني من نفسي , حتى وقت دوامه يجيب من ينيب عنه في المراقبة أخته العزيزة ..
ممنووووووع أجلس وحدي ولو ساعة ممنووووووووووع ..!!
زوجي حبيبي متأثر كثيير بوظيفته كضابط لاااازم كل شغله أسويها يفتح لها تحقيييق طوويل ..
وماشي وراي بالتحري ..!
انا بنت ناس ومو أي نااس ..
لكن توى أدري ؟ إش معنى هالكلام ..!
انا متربية وخايفة الله قبل خوفي من أحد , وما يمنعني عن شيء إلا خوفي من الله وبسس !!
أرخصت نفسي كثير كثير كثير ..
وسمحت بالإهانة وتقبلتها بدون أي حااجة للأسف ..!
مالوم أحد يوم يحتقرني لأني انا اللي ماعرفت قدر نفسي ..
تحملت عصبيته وصرااخه علي , وأنا اللي ما كان حد يرفع عينه في ..!
تركت جنة ابوي ورحت جحيم زوجي بإسم الحب ..! قمة السذااااااجة ..
( الحب جنة كيف صار جحيييم ).. أي بلاهة كنت أعيشها ..
طوول عمري أغلط بالحساب .. لكن ظنيت إني يوم كبرت صرت أعرف الحساب ..
وإكتشفت اليوم إن كل حساباتي غلط في غلط ..
شفت خواتي عايشين بنعيم المادة والحرية والإحترام والأبناء ..
وأنا مافي يدي إلا الحب الممزوج بشك … !
دائماً أنا الأقل فيهم لأني دائماً أقيس بمقياس العاطفة ولا أملك مقيااس العقل ..!
والراااحة زي ما يقول ابوي لا تعرف العاطفة ..
( عرفت الحين ليييه أبوي يهتم فيه أكثر من كل خواتي ولييه دائم يخليني قريبة منه ,
ولييه يحفظ حسابي بنفسه .. مو لأنه يحبني أكثر منهم زي ما كنت أظن لالالالا ..
لأني أغبي وحده فيهم للأسف .. وما عرفت إلى الأن كيف الحياة تمشي ) …
الحسنة الوحييييييييدة من زواجي هي :
إن زوجي صحاني من غفلتي .! وعرفني أنا مين !!
وددددي اطلق ..
حتى لو بكي زوجي وبااااااااس رجلي .. ما أأأأأأأأأأبيه …
الحب لا يسسسسسسسسسسسسساوي الحرية ..
الشك عدو الحب … !
وما أبغى أحصر حياتي برجل , الحياة موزعة على كل شيء بالتوازي ..!
ــــــــــــــــــــــــــــــــ
سامحيني جارة على كلامي بس مخنووقة ودي افضفض ..
هالكلام كتبته اليوم يوم زوجي عصب علي وكسر البي بي حقي ..
رماه على الأرض وغنكسر وإنكسرت معه أشياء كثيييرة بنفسي ..
الله يوفقها .. و يعينها
::
الله يسهل دربها ويوفقها ويحقق لها كل اللي تتمناه ..
في الموضوع الي قبل هذااا .. ساارت البنت بيت ابوهاا ورمست ولد عمهااا ع المسن بتقولون
عاائله متفهمه ومثقفه وحريه وثقه بالبنت .. صح ؟
لكن صدقيني ماا فيه زوج متفهم وواعي ومثقف وواثق في زوجته يرضاهاا ع نفسه ابد
وحتى الشرع وديناا الاسلامي ماافيه هالشي الشااذ .. سمحيلي ع الكلمه ^^
صحيح كلالام بريء وذكرياات و نصاايح لكن الشيطااان شاااطر حبوبة
ومثل مااقلت وعلقت في هذاااك الموضوع زوااجهم ماا راح يصمد اذا ماا تغيرت من الدااخل وتغير
تفكيرهاااا فديتج
الزواج تظحياات من الطرفين وموده ورحمه .. ومب معنااته اذا الزوج طلب منهااا انهاا تقعد وتجاابل بيتهااا
انه يباا يحبسهااا بالعكس يباهاا حرمه مثل بقيه الحريم طبيعيه تعرف حقوقهاا وواجباتهاااا والله قاال
وقرن في بيوتكن ^_^
وآأن ششـآأءء آألله بتتيسر آأمورهـآأ ..
!! وآأيد همتني يحليلهـآأ .. ربي يكون ف عونهـآأ .