تليف الصدر ضروري خواتي 2024.

السلام عليكم

خواتي ..امي الله يحفظها سوت اشعه لصدرها و طلعت النتيجه تليف في الصدر ..

الدكتور يقول لازم تترقد يوم كامل و تطلع ثاني يوم ..بيبنجونها بنج كامل و بيسولها جراحه ياخذون جزء من التليف عشان يشوفون اذا حميد او خبيث

خواتي ارجوكن اللي تعرف دكتور او مستشفى شاطر تخبرني الحين نبا نعرض الاشعه على دكتور ثاني …العمليه يوم الاربعا و بصراحه كلنا زايغين عليها ..عشان جي نبا نستشير اكثر من دكتور ..

الله يشافيها ان شاء الله
الغاليه حاول تسفرونها مصر اذا تقدرون وانا بعطيج اسم دكتور شاطر وما يحتاي يسويلها عمليتين مره عسب العينه ومره عسب يشل التليف هو بسويها مره وحده و هي امبنجه بياخذ عينه ويحللها و وبشل التليف بنفس الوقت..

مشكورة الغالية

امي ما تحب السفر ..بس انتي عطيني رقمه ..بنحاول نقنعها

الغالية سيري عند دكتور سهيل كاظم معروف .. يشتغل في مستشفى بلهول في شارع الضيافة .. انا و اختي و بنات عمي دايما عنده و سوينا فحص ماموجرام .. انا طلع عندي تليف في صدري وهذا الشي ما يباله عمليه و لا شي .. عطاني فيتامينات خاصة و قالي اركز على نوعية معينة من الخضار .. انا توني بادية بس بنت عمي كان عندها نفس الشي و مشت على هالعلاج و الحمدلله وايد اتحسن و خف .. اختي طلع عندها ورم في الصدر و هذا اللي يحتاج عملية و فعلا سوتها عنده .. العملية ما خذت اكثر ساعه و طلعت في نفس اليوم في الليل و عقب حللو الورم و طلع حميد الحمدلله .. انا مب متأكدة ليش قالو التليف يبغي عمليه بس بعد يمكن على حسب الحجم و العمر .. سيرو عند هالدكتور و ان شاء تتطمنون على الوالدة و الله يخليها لكم يا رب ..

فديتج، احيد ان الورم يباله عمليه تنشال، و مرة وحده يسوون العمليه، يعني يشلون الورم كله، و بعدين يحللون جزء منه عشان يشوفون شو هو! بنت خالي سوت العمليه في مستشفى خليفه، والحمدلله طلع حميد!
اختي عندها تليف، و عطوها شرات الاهت ما قالت فيتامينات و متابعه!
الله يولي الوالده العافيه!