أنا بختصر لكم مشكلتي – وتراها المشكلة شاغلة فكري ليل ونهار ومتعبتني نفسيا – انا الله يسلمكم معلمة اشتغل في مدرسة .. وعندي طفلين صغار بعدهم مادخلو الروضة وواحد منهم رضيع عمره كم شهر – وماعندي احد اخليهم عنده بحكم انه اهلي في امارة ثانية – وتعرفون دوامات المدارس للعصر الحين والمشكلة اني اخليهم عند الخدامات في البيت .. والمدارس اغلبها مافيها حضانات – وجربت حطيتهم في حضانة قريبة في العين لكني اكتشفت انه معاملتهم مب زينة – اغلب ربيعاتي قالو الحضانات اغلبها مب زينة – انا احترت خايفة على عيالي وماابغي اخليهم عند الخدامة ومافيني ادخلهم حضانة لاني دخلتهم افضل حضانة وللاسف انصدمت فيهم مع انهم اغلب اللي فيها مواطنات -فهل تنصحوني استقيل وأودر الشغل واربي عيالي احسن لي والا شو الحل – حضانات ماابغي لاني تعبت منهم – وحضانة في الدوام حكومية ماشي – وأهل ماحد حوالي – عطوني حل الله يخليكم.
الحل وااايد سهل — تصلين استخاره بارك الله فيج
توكلي على الله واستقيلي
الشغل يتعوض بس العيال ما يتعوضون
الشغل يتعوض بس العيال ما يتعوضون
المشاركة الأصلية كتبت بواسطة CUTELADY 
توكلي على الله واستقيلي
الشغل يتعوض بس العيال ما يتعوضون
الشغل يتعوض بس العيال ما يتعوضون
صير ي ام وحسي بالامومه
شوفي عيالي يكررون قدام عيونك
تمتعي باللعب معهم
تمتعي بسماع اول حروف ولدك الرضيع يقولها
اكليهم حميمهم غني لهم
عيش الامومه وراح تشوفين ماراح تندمين بإذن الله*
الغاليه عشان ما تخسرين وضيفتج
خذي اجازه طويله بدون راتب
لان اعرف وحده مدرسه ما استقالت بس ماخذه اجازه طويله لين كبرو عيالها ودخلتهم الروضه وعقب ردت لشغلها
استخيري
بعدين لو مب محتاجه استقيلي عيالج اهم بصراحه