توسع في حوض الكلية 2024.

السلام عليكم ورحمة الله وبركاتة

الحمدلله على كل حال اليوم سويت فحوصات وقالوا لي البيبي عندها توسع في حوض الكلى
بصراحة كنت مصدومة وماقدرت أستفسر أكثر
حولوني لاستشاري أشعة
بس لين الحين ماعطوني موعد
رجعت البيت وأنا ضايقة فيني الدنيا بكيييت لين انهد حيلي ونمت مالي نفس آكل وكل ماتذكرت المشكلة تدمع عيوني
ماعرف هالحالة شو سببها ولا شو أضرارها
إذا حد مر بنفس حالتي يقولي الله يخليكم أول حمل وما أعرف شو أسوي

اللهم إني أستودعك جنيني

سيري مستشفى ثاني
سبحان الله مرات يكون الشيء بسيط بس الدكاتره يكبرونه
يعني مره اختي قالولها ان ولدها فيه شيء في الكليه
عاد هي يوم ربت في توام وسواله فحوصات ودنيا ولعوزه واخر شيء اختي طبتهم
والولد بخير ما فيه شيء
وها الكلام من 7 سنين
سيري عياده ثانيه وشوفي شو يقولون

إن شاءالله يكونون غلطانين

الله يطمنج

انتي من اي امارة اختي عشان نوصيج ع دكاترة توب ؟؟؟

هلا اختي … لا تحاتين انا يوم كنت حامل ف ولدي قالو لي عنده توسع ف حوض الكلية بس مب متأكدين لين تولدين بنرجع نسوي الفحوصات مرة ثانية وبعد ما ولدت شلو ولدي وسوو له فحوصات وتبين أن عنده توسع ف حوض الكلية وأنها ما تنزل البول بشكل صحيح يعني يتم فيها … وقالو بعده صغير لين يصير عمره 4 اشهر بنحدد وطبعا تميت ع المراجعات والمواعيد والمضادات الحيوية … ما أخفي عليج اني وايد كنت خايفة على ولدي بس توكلت على الله
والحمدلله بعد اربع شهور سوو له عملية وسعوا مجرى البول وبعد شهرين ردوا سووا له عملية ثانية عشان يشلون القسطرة الي ف الكلية والحمدلله ولدي الحين عمره سنة ونص وما شاء الله عليه صحته زينة والحمدلله ف هاي كل قصتي … لاتحاتين لانها جداً بسيطة وانا مثلج وايد كنت خايفة

لا تحاتين فديتج
اكو الاخت صارلها نفس الموقف
لن يصيبنا الا ماكتب الله لنا
عليج بالاستغفار

ربي يوفقنا واياج

كنت هنا

سبحانك اللهم وبحمدك استغفرك واتوب اليك

نفس الشي في ولدي قالولي توسع فالكليه ويوم يبته بخير ما فيه شي..