توني راجعم من العياده والحمدلله تطمنت عالبيبي والحملله الحمدلله الحمدلله
اهم شيء ان راس البيبي نزل تحت وهالشيء اللي كنت احاتيه واايد .. ربي استجاب لدعااائي الحمدلله ..
بس بعد خوفوني ..قالو لي ان وزن البيبي كبير 2 ونص مع اني اشوف هالشيء مب لهنااك ..
قالت لي تعالي عآخر هالشهر وبنفحص لج الحووض اذا كان يساعد ولالا ..؟؟
فحبيت اسأل كيف اخلي وزن البيبي ما يزيد .. ووهل وزن بنتي مناسب ولالا
انا عديت 10 ايام من الثامن …
بليز فيدوني…
ليش هم متخوفين هالكثر
وما ظنتي ان وزن الجنين بيزيد اكثر من نص كيلو او حتى اكثر من 700 جرام خلال الشهر الياي
لا تحاتي
بس اهم شي ما تنامي في النهار لان النوم الكثير يزيد من وزن الجنين
بس لا تحاولي تخفي من اكلج اذا كان وزنج مناسب للحمل
لانج بتضرين نفسج هب الجنين
وربي ايسرلج ولادتج يا رب
يغيت اسأل الراس يتغير وضعه ولا خلااص خذ وضعه النهائي؟؟؟
اكثري من الدعاء..ما عندي فكرة في هذا المواضيع..انا بعدني ما حملت ..وما جربت الحمال.ادعي لي
المشاركة الأصلية كتبت بواسطة اتعبني@غروري 
توني راجعم من العياده والحمدلله تطمنت عالبيبي والحملله الحمدلله الحمدلله
اهم شيء ان راس البيبي نزل تحت وهالشيء اللي كنت احاتيه واايد .. ربي استجاب لدعااائي الحمدلله ..
بس بعد خوفوني ..قالو لي ان وزن البيبي كبير 2 ونص مع اني اشوف هالشيء مب لهنااك ..
قالت لي تعالي عآخر هالشهر وبنفحص لج الحووض اذا كان يساعد ولالا ..؟؟
فحبيت اسأل كيف اخلي وزن البيبي ما يزيد .. ووهل وزن بنتي مناسب ولالا
انا عديت 10 ايام من الثامن …
بليز فيدوني…
الله يهديك بس، انتي من حملتي وانتي موسوسة وبصراحة يبالك ضرب، غناتي والله اللي تسوينه مب زين، كلنا حملنا أول مرة وكنا نحاتي بس مب مثلك، تدرين بنتك بهاي الطريقة بتطلع متورة واااايد، صدقيني اسمعي الكلام ولا تحاتين وبعدين ودي وبموت أبا أعرف انتي وين تراجعين؟ أنا يوم فالسابع الياهل نفس وزن بنوتك، الحين مادخلت التاسع لكنه وصل 3كيلو بس ما أحاتي.