اشحالكم عساكم بخير و سهاله ؟؟
امس كنت اهنيه ف قسم الحلويات ادور شي اسويه ،،
وطاحت عيني على موضوع الاخت bnfsj،، واللي هوو // " اضغطو على اسم الموضوع "
..{كيكة متعددة الاستخدام..وكالعادة سهلة}..
ودايركت كتبت المقادير و طيران على المطبخ ،،
طبعا انا التزمت بالمقادير بس الطريقه اشويه لعبت فيها ،،
والطريقه كانت //
خفقت بياض البيض و الشكر مع بعض لين غدا شرت الكريمه ،،
وخفته صفار البيض و الزبده و الطحين و البيكنغ بودر والفانيليا مع بعض
وبديت باضافه خليط بياض البيض يوم حسيت بدا الخليط الثاني يغلض ،،
وتميت خلط اشوي اشوي مب ابسرعه و قوه لالا اشويه اشوي << نصيحه من فتافيت لوول
وعقب حطيت فيها حبات الجوكليت و صبيت فيها توفي على شكل خطوط
وعقب ما صبيتها ف صينيه مدهونه بزبده حطيت اشويه توفي مره ثانيه لوول لاني احبه
و حطيتها ف الفرن لمده 35 دقيقه لحراره 220 ْ
والله ما تتخيلـــون كيف كانت هشـّه من الخاااااطر و اتذووووب ف الحلج ^^ يمي يمي
و زينيتها بنوتيـلا بالقشطه و توفي
والحين اتهــنوا ف الصـــور ^^
,،’
,،’
,،’
,،’
,،’
السموحه الصحن اتوصخ لوووووول
اللي بتجربـها ما بتندم موليـه لانها سريعه و أغراضها كلها متوفره ف البيت دووم ^^
هموووسه // تسلم ايدج اختيه البنفســج لا خلا و لا عدم حبيــبتي ^^
والصور الل حطيتيها أكبر دليل على نجاح تطبيقج وتسلم الأيادي
المشاركة الأصلية كتبت بواسطة نهّووود 
والصور الل حطيتيها أكبر دليل على نجاح تطبيقج وتسلم الأيادي
صح كلامج الغلاا و 100%
وتسلمين والله ^^ كلج ذوووقج
المشاركة الأصلية كتبت بواسطة يا مرحبا ما اتقصرين اخجلتي تواضع تصويري لول ^^
تسلمين على المرور
وبجرب اسوي مثل ماسويتي ..
وعيبتني كيكتج وايييييييييييييييييد
وتسلمين عالهموسة الحلوة ..
وتسلمين هنوده عالكلام الحلوو…اخجلتم تواضعي يا حبايبي
وان شاء الله بجرب كيكتج باقرب وقت