عزيزاتي …. في مشكلة جلدية وحده من اربيعاتي تظهر لها قطع صغار نفس الجلد في المنطقة التناسلية يوم راحت عند
الدكتوره قالت لها ثالول فيروسي معدي
بدت وياها علاج بالتبريد وقالت لها علاج بيطول وهيه قريب تعرس
اللحين تبي تعرف في وحده صار معاها هالشي وعلاجها سريعه وفي اي عياده الي تعرف لا تبخل عليها والي عندها الدواء تقول لنا شو اسمه
في ميزان حسناتكم ياارب.
3 كانو ..
تمت كل كمن يوم اسير اسوي رش تبريد
الله يعيينهااااا
هالنوع من الفايرس .. مايطلع غير ف الريول ..
والمنطقه الحساسه ..
يارب انك اتعافيهااااا
المشاركة الأصلية كتبت بواسطة مملكة حزن 
عزيزاتي …. في مشكلة جلدية وحده من اربيعاتي تظهر لها قطع صغار نفس الجلد في المنطقة التناسلية يوم راحت عند
الدكتوره قالت لها ثالول فيروسي معدي
بدت وياها علاج بالتبريد وقالت لها علاج بيطول وهيه قريب تعرس
اللحين تبي تعرف في وحده صار معاها هالشي وعلاجها سريعه وفي اي عياده الي تعرف لا تبخل عليها والي عندها الدواء تقول لنا شو اسمه
في ميزان حسناتكم ياارب.
اللهم لك الحمد عندي لها علاااااااااااج 100% من تجاربي لربيعاتي لانه عندي خبره معينه في الأعشاب..
لازم تمشي على العلاج بالخطوات اللي اكتبها وبيخوز عنها نهائياااااااا
* * العلاج * *
– المطلوب:
1- زيت الخردل. لونه برتقالي شفاف وبتلقاه في العطار.
2- الخل الابيض. وبتلقاه في العطار.
3- حبة سودا مطحووونه. واول ماتيبه خليها تشخله زياده لين ماتنعم وتكون نفس البودرة.
4- المر. وبتلقاه في العطار.
5- قطن مدور.
6- وغرشة زجاجيه صغيره . مب بلاستيك.
7- فيتامين A كبسولات زيتيه. خليها تاخذ اللي حبوبهن كبار عشان تقدر اطلع الزيت منه. بتلقاه في الصيدليه.
8- وأي فيتامين تاخذه من الصيدليه ( اللي يقوي المنااااااااااعه ) اهم شي يزيد المناعه عشان يموت هالمرض.
……………………………
اهم شي تكون نفسيتها زينه ومب مكتأبه وتعبانه، لان هالمرض يزيد عليها على حسب نفسيتها،، ولازم تقوي منااااااعتها بقدر المستطااااع، مثل : تأكل وتشرب برتقال الصبح وفليل، والكيوي .وتاخذ اي فيتامين تقول لراعي الصيدليه يزيد مناعتها ، واذا قدرت احسن اتسوي حجامه ،، وهذا المرض يتسمى رفيق الحياه عوذ بالله منه،، واذكر وحده من ربيعاتي ماخلت لا تبريد ولا ادويه وتخيلي كانت حامل بس بفضل الله ثم هالخلطه شفاها الله في اقل من شهر والحمدلله ..
((( بس الحامل ماتستخدم هالخلطه الا من تعدي الشهر السادس من الحمل وتبتعد عن اشياء بسيطه في الخلطة)))
– الطريقة:
اول يوم:: تبدا الصبح ..
– تجيب زيت الخردل وتصب في القطنة المدورة،، وتفرك على المنطقه الحساسه اللي فيها الثالليل بقوة،، يعني تفركه فوق تحت بقو.. الجانبين اليمين واليسار..
وتخليه10 دقايق لا تغسله ولا تلبس شي تحت،، يعني تخليه يتهوى ..
– بعد 10 دقايق تغسله
– وتجيب كبسولتين من فيتامين A ،، وتقص منه وتعصره على المنطقه المصابه باصبعها،، لانه فيه نسبه عاليه من المناعه ويموت من هالفيتامين بسرررررعه.
– وبعد ماتحطين الفيتامين A..
– تجهز العلبه الزجاجية اللي قلتلج عليها:
وتجيب الحبه السودا المطحونه وناعمه ، مثل كميه الكوب الصغير وتحطه في العلبه، وتصب فوقه الخل الابيض ، وتخلطه ليييييييين يصير نفس المعجوووووون ،،وبتشوفينه متماسك ، وكل ما تستخدمه تسكرالعلبه بسرعه لانها فيها مواد طيارة ونفعها بعدين بيروح، والشي الثاني لاتنسى تحطه في علبه زجاجيه مب بلاستيكيه..
المهم..
تجيب بصبعها من خلطة الحبه السودا، ويكون متماسك وتحطه على المنطقه اللي فيها حبوب ويلصق تقريبا عليه، وتحط العجيه عليه كامل بس على الحبوب ،، وتقوم شوي شوي عشان مايطيح عنها وتلبس كوتكس او احسن كير فري عشان مايطيح..
وتحط منبه في تيلفونها بعد سااااااعتين وتروح الحمام وتغسله،، ليش بعد ساعتين ؟؟؟!!! لانه يخوز فوائده لو تخليه يوم كامل ..
وبعد ماتغسله،، تحط الكبسولات الفيتامين A،، وتحط بعده خلطه الحبة السودا وتلبس الكيرفري وهكذا.. كل ساعتين ،، كل ساعتين ،، وتحاول ما تتحرك وايد وايد يعني عادي لو تمشي ..
وقبل النوم :
تستخدم خلطة الخردل ألطريقه الاولى ، وتخليه يتهوى بس اهم شي تفركه بقو على المنطقه المصابه..
– اول يوم بيكون لون الحبوب بييييض ،، وبعدين بتحس بهن يااااابسات ،، وثاني او ثالث يوم بتشوف لونهم سووووود ، وهذا المطلوب معناته أنهن بيموتن..
واذا حرقها المنطقه من خلطة الحبة السودا،، خليها تحط بدال الخلطة عليها عسسسسل عشان يبرده وبعدين تكمل الخلطة..
وبعدين بروووووحهن يطيحن في مدة 4 او 5 ايام بإذن الله تعالى ..
وبترد بعد المنطقة وااااااايد عاديه نفس قبل ،،
** وآخر علااااااج
– تجيب فنجان وتحط فيه كسرة كبيره من ( المر ) وتصب عليه مااااااي حااااار ،، وتخليه لين يذوب ..
وبعد ماتبرد تاخذ بصبعها من قاع الفنجان بيكون متراكم المر تحت ،، تاخذ منه بصبعها وتحطه على المنطقه وتخليه،، يعني كل مابتدخل الحمام تحطه.. لانه يجتله ولا يخليه يطلع مره ثانيه..
وبسسسسسسسسسس
ياكم تعذبت ربيعتي لدرجه انها بغت تموت من الألم والحرق والدم في المنطقه،، والمنطقه عندها كلها مخبقه من الحرق ،، بعد ما تعبت قررت تاخذ هالخلطه والحمدلله ربت وماياها مره ثانيه..
وربيعاتي بعد خذن من هالخلطه ،، وحتى الدكتورة خذت من هالخلطه سبحان الله ..
حبيت اساعدج من قلبي حتى ماقدرت أنام لين ما اكتبه لج لأني احسبها ..
الله يشفيها ويشافي جميع المسلمين ..
مابا غير دعوووووووووة والله يرزقني بالذريه الصالحه ..
وأي استفسار او سؤال أنا حاااااااضرة ….
بس كيف يالها وهي موب معرسه مادام انها المنطقه الحساسه لان اكثر طرق انتشاره هو عن طريق الجنس
مرات يكون من الاماكن الملوثه … مثل الحمامات مالات المسايد او المولات ..
او الفوط مالات الفنادق او النواادي ..
الله يشافيهاااا