ثقب الأذن مرتفع 2024.

السلام عليكم
أنا ثقبت اذن بنتي من كمن يوم وعمرها 5 شهور ونص تقريبا .. بس حاسة انه الثقب مرتفع شوي يعني مب في النص بالضبط لا شوي على فوق .. متضايقة الحينةومب عارفة شو اسوي هل أشله عنها وارد اخبق أذنها مرة ثانية والا اخليه ويوم بتكبر بينزل على اساس ان الاذن تكبر .. أرجوكم طمنوني 

انتي خبجتي الاذن ف المستشفى؟
الله يعينج ان شالله البنات يفيدونج

اختب صبري لين تكبر وتطول شحمه الاذن طبعا لا ما يصير تخبقبن
خليها انتظري

انا سمعت مره الدكتورة سعاد لطفي تتكلم في الاذاعة عن خبق الاذن للبنات اللي اعمارهن تقل عن 9 شهور
كانت تقول ان هب زين ، وممكن طول عمرها البنيه تعاني من الالتهابات او لحمة الاذن تنزل والسبب هالخبق
وهالشي منتشر في مجتمعنا بحكم انها بنيه ونباها تكون كاشخه ،

فانا انصحج تنزلين الحلق من اذنها وتخلينه يلتأم فتره ومن تكبر شوي فوق 9 شهور تردين تخبقين لها
في عيادات خاصه

والله يحفظها لج ان شاء الله

شلي الحلق وخلي الفتحة تنسد وردي اخبقيلها أحسن لأنها حتى لو كبرت وشحكة الاذن كبرت ع قولتج بتم الخبقة فوق ما بتنزل وايد وبيتلاحظ