بقول لكم موضوعي وما كتبت هنيه الا للأستشاره ويارب القى الفايده منكن بعد رب العالمين
خواتي انا عمري 26 سنه تخرجت من الثانويه من قسم الادبي وكنت من الاوائل على دفعتي المهم دخلت جامعه الامارات ودرست وتخرجت الحمدلله
بس معاناتي بشي واحد هلي .؟ كان حلمهم اني اكون طبيبه وادخل طب لو حتى اسنان ماتفرق المهم ادرس طب .. بس دخلت ادبي فماكان ينفع اني ادش طب ..
الحين اللي طرا على بالي :
لو ابا اعيد دراسه العلمي منازل .. بقدر ادرس ثاني ثانوي وثالث ثانوي ولا لاااااااااااازم اول ثانوي .؟
وانتوا شو رايكم خواتي قولوا لي رايكم لأنه بالحيييييييل يهمني وخصوصا اني ابا ادرس من دون لاحد يدري وبأي حال محد يدش حجرتي ولا يشوف شو اسوي ولو دشوا انا بطبيعتي اقرأ وايد كتب المهم ابا اسويها لهم مفاجأه ..
اول جاوبوني على سؤال بالنسبه لو ادرس ثاني وثالث علمي ولا لازم اول ثانوي ؟؟
وشو رايكم بالفكره
الطب 7 سنين دراسته
في كليات طب او تمريض تسجل للادبي لنسبه معينه
والي اعرفه لو تعيدين الثانوية مسائي تقدرين 3 واظن حتى الامتحانات بس لو تبين
بدون اول ولا 2
اتبعي الي انتي تبغينه
لإن المجال الي تحبينه هو الي تقدرين تبدعين فيه 
والواحد يتعلم اليييييييييين مايموت
بقولج سالفه اخوي ما شاء الله عليه
خلص الثانويه ودخل جامعه الامارات وتخصص تخصص نادر
وخذ عقب ماجستير طبع يشتغل ويدرس وعقب عرس
وكمل دكتوراه 4 سنوات برى
ورجع الدوله واشتغل
والحين خذ ماجستير في تخصص الاداره والاقتصاد
وفي نفس الوقت دوامه طلب عليه ياخذ ماجستير مكان ثاني
فـ شوفي ماشاء الله عليه الحين ياخذ ماجستيرين وهو دكتور..
وفوووق كل هذا لازم فالاسبوع يخلص كتاب يقراه في الحياه ^.^
ماشاء الله ..
الواحد للي يبا يتعلم ما يهمه عمر ولا وقت اهم شي الدافع النفسي
موفقه حبي وانا اقولج درسي من اول ثانوي ^^
اذا تعيدين اي صف بالضبط
لان شهادتج تعتبر جديمة وايد
والمناهج تغيرت عن قبل
وحتى نظام التقويم والامتحانات تغير
اقتراح :
ليش ما تكملين ما جستير ودكتواره
احسه احلى والشهادة بتكون اكبر وافضل
لأنه الحين ما شي فرق بين الأدبي و العلمي …
و الجامعة الوحيدة اللي ما تاخذ طلبة القسم الأدبي في الطب و الهندسة هي جامعة الإمارات …