الصراحة اتوحم على جامي ( كامي ) واااااااااااااااااااااااااايد يعيبني
منو تعرف حد يسوية للبيع … ما اريد مال الهنود كله حليب بودرة اشتريت ولاعت جبدي …
اريد من ايد حريم يعرفن المهنه
يطلع من يدهن غاوي طعمه
الله يخليكم ساعدوني …
انا من راس الخيمة
اذا في مساعدة انا انتظر
اشحالج اختى اخر العصور بخبرج شى حلاة الجامي انتى تسوينه روج اذا ما تعرفين حد
عنده لبن طبيعي
سيري الجمعيه واشتري لبن ابو دبات ايج غليظ اظن اسمه مرموم او لبن العين اي لبن المهم
خلي عليه ملح شوي او كثر انتى ما تبين
وصبي لبن في جدر وخليه على نار هاديه يوم بتحسين انه بدا يظهر كور صغيره (حلوه كور صغيره ما عرفت ايبها)المهم ما تخلينه يثور لالالالالا ترى بيخترب عليج
بتلاقين انه استوت طبقه غليظه وتحت الماي خليه يبرد غطى عليه وبعد 15 دقيقه تعلى وغرفي وصبي عليه سمن واكليه ويا سح او خبز رقاق
هنى وعافيه ….
كسرتى خاطرى لانج تتوحمين لاني نفس الوضع بس للاسف ما احب اكل شي رجيم غصب عني
دمتى لعيون تغليج
في واحد في الجولان يسويه ومعروووف من سنين والناس كلهاتشتري عنه