اول شرط مابي اي عيااااااازاااااااااات نبي همه ونشاط واهتمام ومتابعه
هذا جدول شامل للوجه فقط تمشين عليه تحفظينه عندج ع السبورة , او تطبعينه وتعلقينه او حتى تكتبينه في ورقة
قبل كل شي أبيج تكونين بنفسيه معزمة على انها توصل للنتيجة الي هي تبيهـأأأ
وتحط صورتها جدامها لما كانت بشرتها تمام
وتكتب في غرفتها عبارات ايجابيه
مثلـأ : بشرتي بترجع مثل قبل واحسن
كل وحده ادرى بالجملة الي تناسبها تكتبها بخط عريييض وتعلقها
صدقوني ان المعنويات تفييييد فالعلاج بنسبة 50% وباجي العلاج ماديات
نبتدي بالامور الاهم
الشي ان زاد عن حده ينجلب ضده حتى لو طبيعي نراعي استخدام الجدول اقصد الماسكات كذا مرة فالاسبوع مب يومياً اما الباجي فـ لاباس
الزيت زيتون ثجيل ع الويه ولو ينحط ينحط نص ساعه بالكثير ويكون اصلي
مكعبات ثلج ماي ورد
تكثرين شرب ماي يوميا بالمعدل الطبيعي 7-8 أكواب
ونتجنب الامساك
تبدلين مخدتج اذ جديمه واذ لها لبسة تغسلينها بـ داوني او اي ملطف للملابس و من ثم ديتول للتعقيم
وتحاول تختار الملمس الناعم مب الخشن
الغرفة تكون نظيفة ومب مغبره وتهتم في نظافتها
المكيف تغسل الي داخله وترد تركبه ( ماعرف شو يسمونه ) المهم يكون شكثر فيه تراب ووصخ يكون جي مستطيل او مربع في المركزي والعادي
نحن اوريدي نغسل ويهنا للصلوات الـ 5 ولما انش من رقادنا , حاولي تغسلينه كل ماغسلتي يدج او دشيتي الحمام ربي يعز الجميع وكثري من غسيله بالماي البارد ( ماي صحة )
وبليز نراعي اجسامنا فالاكل الصحي ونودر الفاست فوود والدهنيات والمقليات ونمارس الرياضه لو نص ساعه يوميا
إذ تطلع او اداوم تحط صن لوشن اذ تحط كريمات تحطه قبل
بس انا بقولكم ع شي ها يطولي بعماركم تايلندي عبارة عن ماي البودرة ماي ورد واعشاب وفنفس الوقت واقي للشمس
الي يباه يروح هدايا العين ع 10 درهم اتوقع ويعطيج لوك فررش جنه كريم اساس بالاول تخضينه وتدهنين ويهج فيه مدة اسبوع بيغنيج عن اي كريم اساس وبودره ويفتح الويه بعد
اسمه فلوريدا وهذي صورته
نبتدي بالجدول لأول اسبوع بس قبلها
تشربين خلال هالاسبوع كله عصير فواكه فرررش ارجع اقول فرررش يفضل كل من ( فراولة – عنب – توت – برتقال – جزر – ليمون نعناع )
وعصير خضروات
يب عصير خضروات عبارة عن عصير برتقال فرش وجزر لو عندكم العصارة وتضيفون اي خضروات ( خضراااا ) بقدونس – جرجير – رويد ها اهم 3 بدون اي اضافات سكرية
لو تدرون شو فوااايده نضارة وشباب وصحة 7 ايام ورا بعض يكفونج تجوفين نتيجة حلوة
بس ونكثر سلطات بدون ملح =)
ملاحظة : مافي شي بيتغير غير الماسكات يعني خلج ماشية ع الجدول ماعدا فترة العصر بغيرلج الماسك
وفي ايام راحة يعني يوم هي ويوم لـآآ 
يلا وبسم الله ونعزم النية
اليوم الـ 1
تشربين حليب فرش مغلي الصبح
سكر وزيت زيتون ع شكل سكراب ونفرك الويه بشكل دائري تغسلين ويهج بصابونة غار بماي بارد ومن ثم تحطين فلوريدا
( اذا اداومين امسحي ويهج عدل من المكياج وامسحيه بالاسكينول عقب الغسل )
العصر تشربين عصير فرش اي نوع تحبين
تحطين عسل لويهج وشفاتج ودواير الخيار ع العين لمدة نص ساعه – 20 د وتغسلينه وتمسحين ويهج بماي فاتر
تسوين مساج لويهج بحركات دائرية لمدة 5-7 د
وتمسحين بمكعب ماي الورد المثلج واشملي شفاتج
تاكلين سلط
فليل وقبل النوم تشربين عصير خضار
ملح أو ملح الحليب نفرك به الويه بشكل خفيف ودائري
تخففين نقط الجلسرين بالليمون وتدهنين به ويهج ولتحت عيونج فازلين مخلوط بـ كركم ولشفاتج فازلين مع بودرة دم الغزال لو موجود فازلين لرموشج او زيت خروع ع شكل خفييييييييف
وترقدين
اليوم الـ 2
( فترة العصر )
نقط ليمون خفيفة لشفاتج
اليوم الـ 3
( فترة العصر )
بخار للويه طبعا الطريقة التقليدية للي ماعندها جهاز البخار
جدر نسخن فيه ماي حار ونحط ويهنا بعيد شوي ونتغطى بفوطة كذا مرة بس نصك المكيف ونكون في مكان نظيف
ويكون حذالنا حليب بارد منتهي
وعلى طول نغسل ويهنا فيه ونخليه ربع ساعه وكالعادة نغسله ونمشي مكعب ماي الورد المثلج
اليوم الـ 4
( فترة العصر )
نقط ليمون خفيفة لشفاتج
اليوم الـ 5
( فترة العصر )
خل التفاح مع روب منتهي لمدة نص ساعه
خخخخخ ريحته استغفر الله مب شي بس له فوايد يلا تحملن
وكالعادة نمسح بمكعب الثلج
اليوم الـ 6
( فترة العصر )
نقط ليمون خفيفة لشفاتج
اليوم الـ 7
( فترة العصر )
طين مغربي + نشا + ماي ورد
لمدة 20 د
وبجذي بنكون خلصنـا 7 ايام بنجاح
وان شاء الله بنبتدي الاسبوع الثاني عقب مانجوف النتايج الحلوة
كل يوم يمشي واطبقين فيه تعالي هنيه واكتبي تم التطبيق لليوم الـ 1 بأكمله .. وجي
الي بتنقل الموضوع ماااااااعندي اي مانع نرتجي الاجر والله ومانبي سواه
وبالتوفيق يــــــــــــــــــــــــــــأرب
مودتي / حرمة سيـف ~
عســآآه في ميزآآن حسنــآآتج
اشكرج على المجهود الحلو في الموضوع واسمحيلي انبهج لتقطتين
الاولى اول يوم الصبح نفرك البشره بسكر وزيت وبالليل املاح ؟؟؟يعني مرتين باليوم ……مافي داعي لهالشي ومره كفايه
الشي الثاني ماسك الروب المنتهي ويا الخل هالشي فظيع ومب زين لانه نسبة الاحماض فيه مرتفعه جدا …نكتفي بالروب بس والخل بياكل البشره مب زين للويه
شكرا حبوبه ع الموضوع
عليك بالاستغفار: {اسْتَغْفِرُوا رَبَّكُمْ ثُمَّ تُوبُوا إِلَيْهِ يُمَتِّعْكُمْ مَتَاعاً }
المشاركة الأصلية كتبت بواسطة mischocolat 
اشكرج على المجهود الحلو في الموضوع واسمحيلي انبهج لتقطتين
الاولى اول يوم الصبح نفرك البشره بسكر وزيت وبالليل املاح ؟؟؟يعني مرتين باليوم ……مافي داعي لهالشي ومره كفايه
الشي الثاني ماسك الروب المنتهي ويا الخل هالشي فظيع ومب زين لانه نسبة الاحماض فيه مرتفعه جدا …نكتفي بالروب بس والخل بياكل البشره مب زين للويه
شكرا حبوبه ع الموضوع
هلا فديتج
الله يهداج استعيلتي علي ها اول اسبوع فقط من شهر !!
بخصوص الروب والخل خل التفاح معروف للبشره وكيف يقشر الحبوب ويقضي عليها
بالمرة هالماسك ماله اضرار ومن وصفات الدكتور القحطاني وعادل وسبق وقلت الشي ان زاد عن حده ….
كميات بسيطة من الخل عبارة عن نقط مع روب منتهي ومرة وحده فالاسبوع بالمرة ماله اضرار وانا اسويها مرة شهريا !
او حتى لو تمسحين خل التفاح بروحه عادي
وبخصوص سكر صبح مخلوط بزيت زيتون وفليل ملح الحليب بالمرة مالهم اضرار
وعلى مسؤوليتي ها كله لان ها جدولي من سنين وبشرتي لله الحمد مايشوبها اي شي
وهذا اول اسبوع من 4 اسابيع وكل اسبوع يتغير فيه الماسكات والجدول ويخفف كل مامرت الايام
ولا مابجزأ الموضوع
مابحط شي مالي اي علم فيه او له اضرار وهالامور كلها للي طلبه مني
يعانون من مشاكل ( بقع وحبوب ) قست عليها هالجدول لمعالجة البشرة مب للي مافيها شي تسير تمشي عليه
تطمني ويا مرحبابج =)