جدول لوجبة العشاء ،،،،، لعيونكن يا صبايا . 2024.

خلي وجبة العشا خفيفة نوع ما ،،، لأن العشاء الخفيف أحسن ولا يتعب المعدة ،،، المهم خذي بنصيحتي،،،، سويلك جدول تمشي عليه بيكون أحسن وهي كالآتي:
1)السبت : شوربة خضار + فتوش + فليه سمك (جاهز بالعلب بس إنتي تحمريه ويؤكل مع خبز)
2) الأحد : عصير فواكه + سمبوسه جبن او خضار + تبولة
3) الأثنين: معكرونه خضار + شوربة + عصير أناناس (مو شرط طازج – تانج ينفع)
4) الثلاثاء:كوب لبن + فتوش + شندويشات .(جربي التوست + نيوتيلا + جبن كيري) وإدعيلي الله يرزقني بمولود ولد.
5) الأربعاء : شوربة خضار + ناشف ربيان + كوب عصير ليمون.
6) الخميس: بيتزا خضار أو جبن + شوربة خضار + 7Up ليمون
7) الجمعة: خذي عشوة جاهزة ( مشاوي ) من اي مطعم أو سندويتشات جاهزة من أي مطعم….

وبالنهاية قولولي رايكن بها الجدول المتواضع وإن ما أكون ثقلت عليكن….

مشكووووووووره الغالية جدول رائع الله يرزقج الي فبالج ويوفقج

يزاج الله خير حبيبتي……

كلامج عين العقل بس حياتي انا قلت ولد لأن عندي بنتين الله يحفظهن من كل شر بس هالمرة خاطري في ولد …. إن شاء الله أنا ما أتضايق إذا بنت بالعكس بس أبغي أخو لبناتي لا أقل ولا أكثر ….. ومشكورة على ردج حبيبتي

مشكووووووووووووورة أم هزاع كلج ذوق والله يوفقج يالغالية ……..
مشكوووووووووووورة كل الرقة وكلج رقة فديتج وبالتوفيق يالغالية ومشكوووووووووري على ردكن

مشكووووره والله يرزقج الولد الصالح ان شاءالله