بغيت اسأل عن الجزيرة
اللي سارت لها ياريت اتخبرنا عنها
ومن وين انسير لها ؟؟
وكيفية الحجز و الاسعار
ويزاكم الله خير
اللي سارت لها ياريت اتخبرنا عنها
ومن وين انسير لها ؟؟
وكيفية الحجز و الاسعار
ويزاكم الله خير
وانا بعد ابغي اروح وادوي عيالي
سوري يمكن اتاخر عليكم بس ردي
هالجزيره انا رحت لها وريه ريلي وعيبنا الجو و مر الثانيه شليينا اهلنا ويااانا *_^
المهم هالجزيره موجوده في ابوظبي تقريبا
وجان تندلون مارينا البطين نفس اللفه اهناك
تقريبا عدال فندق الانترك ما اعرف تكمله ههههههههههه
المهم اذا حبين تسالون اكثر اتصلو على البداله واطلبو نادي الفطيسي الريفي جي اسمه
ونسيت اقولكم انه المنظر اهناك حلو وايد والغزلان يتمشون فالجزيره على كيفهم وشي خيول وشي مسبح اذا ما كنتو تبيون البحر يعني في وايد اشيه حلوه اهناك
أنا بعد خاطري اسيرلها
والحجز في أيام العطلات لليوم 650 درهم
وفي الأيام العادية 450 درهم
:
أنا أنصح بأيام الأسبوع, يعني من السبت إلى الثلاثاء,,,, تكون فاضيه ومافيها شباب,,
(الويك إند) يكون في شباب….
و أنصح الي بيودي العائله إنه يروح يشوف الجزيره عشان يعرف أي شاليهات يحجز, يعني يحجز الشاليهات البعيده للخصوصية ….
الجزيره حلوه, ومحد هناك له خص بالثاني, خذو عدة الشوي و إتوكلو على الله,,
للذهاب اليها تذهب الى منطقة خلف فندق انتركونتنال ابوظبي وتتجه الى نادي الفطيسى للجولف ومن هناك تحجز رحلة باليخت الى الجزيرة وتستغرق الرحلة 20 دقيقة وخلال هذه الرحلة ترى المناظر البحرية الجميلة وترى مدينة ابوظبي من بعيد وأنت في الماء وخصوصا منظر فندق قصر الامارات – وطبعا هناك مواعيد معينة للذهاب في اليخت – ثلاث مرات خلال فترة الصباح والظهر – المهم حال وصولنا تحجز شاليه ان اردت – سعر الغرفة 600 درهم لليلة الواحدة- عبارة عن غرفة بها سرير مزدوج أو سريرين مع حمام وصالة – بمعنى استديو- وجميع الشاليهات مطلة على البحر – لانك في جزيرة والماء من جميع الجهات – طبعا الجزيرة كبيرة جدا وفيها الخيول والغزلان بالاضافة الى قسم لصيد الاسماك وحوض للسباحة ومطعم وقسم للعب كرة الطائرة وكرة القدم وقسم للسيدات اضافة الى الالعاب الترفيهية الاخرى لجميع افراد العائلة من الاطفال وحتى الكبار – وطبعا تستطيع عمل المشاوي في المساء وفي الصباح لا ترى شيئا في الجزيرة بسبب وجود الضباب وكأنك الوحيد في الجزيرة وترى المد والجزر وانحسار الماء – بصراحة منظر جميل وجميل للغاية – وتحس بأن في مكان جديد وبعيد عن أعين الناس وتستطيع ان تمارس رياضة ركوب الدراجات – نعم هي وسيلة المواصلات بالجزيرة – وصدقوني حلما ترجعون لمنازلكم تحسون كأنكم كنتم مسافرين لخارج الدولة….
إجـــــــــــــــــــــازه سعـــــــــــــــــــيده