أريد أسال سؤال حد يعرف شيء عن جزيرة الفطيسي بأبوظبي ؟؟؟؟؟؟
من أربع سنوات كانت موجودة بس الأن مش عارفة لسه فاتحة ولا أغلقت
الحقيقة هي جزيرة رائعة جدا عبارة عن شاليهات من غرفة وحدة وحمام وزاوية مطبخ
هذة الجزيرة كان مكتبها علي الكورنيش بجوار فندق الخالدية بلاس بس من يوم ما أنهد الفندق
ما أعرف وين أنتقل 00000 كنا نرول عند المكتب وهم يأخذوكم بمركب موجود بالمرسي مال
الفندق الخالدية بلاس وتستغرق الرحلة 25 دقيقة تقريبا
وتوصلي الجزيرة وتجدي بأستقبالك سيارة جلف صغيرة توصل للشالية والمكان الصراحة رائع
فية مطعم ومسبح غير أنه علي البحر طبعا ومغلقين جزء من الشاطيء حق السباحة للحريم
ومكان فية خيول وأقفاص للطيور وبعض الحيوانات
ومكان فية اللعاب حق الصغار
وتقدري تأخذا معك أغراض حق الشواء تقدري تشوا أمام الشالية مكان ممتع
وكانت أسعارة 500 درهم بالليلة
أذا حد يعرف آي أخبار عن هذة الجزيرة وهل بعدها فاتحة يخبرنا
ان شاءالله البنات بيفيدونج
اختي حبيت اساعدج وان شاء الله ما اقصر وياج الجزيرة فاتحة لاستقبال زوارها للحين بس مكتب استوى في مارينا البطين والحين عندهم شاليهات حتى نفس الفيلا بغرف اكثر واسعارهم زادت عن قبل وهدا رقم مكتبهم وياريت تتواصلين وياهم وتستفسرين باللي تبينه 026666601
والسموحة منج
ورحله سعيده
المشاركة الأصلية كتبت بواسطة نجمة ابوظبي 
اختي حبيت اساعدج وان شاء الله ما اقصر وياج الجزيرة فاتحة لاستقبال زوارها للحين بس مكتب استوى في مارينا البطين والحين عندهم شاليهات حتى نفس الفيلا بغرف اكثر واسعارهم زادت عن قبل وهدا رقم مكتبهم وياريت تتواصلين وياهم وتستفسرين باللي تبينه 026666601
والسموحة منج
ما شاء الله عليك
ما قادرة كيف أشكرك مالي غير الدعاء
الله يعطيك الصحة والسعادة ويعطيك من خير الدنيا والأخرة يارب