خواتي يبتلكم الخبر وابغي البشاره
اسمعوا قصتي
انا وعدتكم قبل في موضوعي لمقاطعة المنتجات الدنماركيه ( اخزى الله الدنمارك واهلها) اني بتصل في الجمعيا وبكلمهم عن موضوع المقاطعه
بس فكرت في اني اسير لهم لان سوم بسير لهم بيقدرون سيرتي
المهم طبعا ويا المشاغل من يوم ليوم والحمد لله اليوم سرت جمعية الاتحاد فرع الطوار وعقب ما تشريت وحاسبت شفت واحد صوب الكاشير ويامر العمال انهم يشلون الاغراض وعقب ما سار قلت للبنيه اللي ع الكاشير هذا مسؤول في الجمعيه قالتلي لا هذا مسؤول مشتريات الجمله
قلتلها : انزين ابغي اكلم واحد من المسؤولين
قالتلي : خير ان شاء الله شو السالفه
قلتلها :عندي عتب ع الجمعيه
قالت: خير
قلتلها: يرضيكم اللي تسويه فينا الدنمارك والجمعيه ماشاء الله عليها على مستوى عال وبعدنا انشوف اجبانهم ومنتجات ابقارهم
قالتلي : المسؤولين في جمعية راس الخور
قلتلها : ابغي حد له كلمه وكلمته قويه في الجمعيه
قالتلي: شوفي سيري هذاك المكت وبتحصلين اخو مدير الجمعيه وعطتني اسمه
وسرت وقالولي في اجازه رديتلها وجان اقولها جان تقولي مستحيل انا اليوم شفت وعقب قالتلي صدي وراج شوفي هذا المتعصم جان اشكرها وطيران عنده وكان بينزل من الدري وياه واحد
جان اقوله: لو سمحت
قالي: نعم
قلتله: نحن مساهمين في الجمعيه وهذي الجمعيه ما نبدلها بجمعيه ثانيه ونحن زباينكم من زمااااان من يوم كانت لجمعية الاتحاد فرع واحد في المنخول ( انا ما كنت منولده يومها بس اميه وابويه يشترون منها لانهم كانوا ساكنين في جميرا) واليوم ماشاء الله عندكم 7 مادري 8 افرع بس لي عتب عليكم
قالي: خير ان شاء اللهش
قلتله: قبل لا اتكلم بسالك سؤال
قال: تفضلي
قلت :شو بالنسبه لك الرسول صلى الله عليه وسلم ( سؤال في الصميم)
ارتبك شويه وعقب قال على طوول كل شي في حياتي
قلتله:دام انه كل شي ترضى ان الرسول صلى الله عليه وسلم ينهان
قال: لا اذا تقصدين …
جان اقاطعه وقلتله: اسمعني لين النهايه( يزاه الله خير كان وايد متفهم وانا كنت اتكلم بكل هدوء)
قلتله: الرسول صلى الله عليه وسلم مات وهو يدعوا الى الاسلام ويحارب لدين الله ولولا الله ثم هو جان نحن اليوم كفار ونهايتنا النار فهل يهون علينا ( وكنت شويه وبصيح خذتني العبره) والرسول صلى الله عليه وسلم يوم قال اللهم امتي امتي ني نحن امته ونرضا له بالاهانه عشان شو عشان جبن وزبده وحليب منتجاتهم مب دوا الموت ولا نحن بحاجتها كل وصخ وخنازير شوفوا المراعي ماشاء الله افضل الاجبان واحيانا يوم ني ما نحصله من كثر ما الناس تشتريه
قال :اسمعيني
قلتله :لحظه لو الدنمارك رسموا مدير الجمعيه او الشيخ زايد الله يرحمه بتشترون من عندهم وبتعاملون وياهم
قال: طبعا لا
قلتله: كيف الرسول صلى الله عليه وسلم اعظم الخلق واعظم حبيب
قالي: اسمعيني
قلتله: تفضل
قال: اليوم واصلتنا لسته من ادارة الجمعيه بالمنتجا الدنماركيه عشان نشلها من الرفوف ونردها لهم ونقطع علاقتنا وياهم
_والله العظيم لو يخيروني بين مليون درهم او اسمع هالخبر والله العظيم اشوف المليون ربع درهم جدام الخبر فرحت من خاطري وشويه وبصيح ( اختكم وااايد حساسه)_ الله يبشره بجنا الخلد وروح وريحان ورب راض غير غضبان مثل ما بشرني وبرد فادي
جان اقوله: متى بيستوي لاتي انا كل يوم في الجمعيه تقريبا واذا لين اسبوع شفت منتجاتهم برد اكلمك لاني اعرف اسمك واعرف شكلك وبرد لك
قال: لا ان شاء الله ما بتشوفينها
قلتله: انزين لين متى بتسمرون في المقاطعه يعني كم شهر
لانه مكتبة الدنمارك الله يخزيهم اليوم اعلنت انها بتخلد الصور عندهم في المكتبه فخر لهم الله يخلدهم في جهنم والسودان على اثر هالخبر اعلنت المقاطعه
جان يقول اللي وراه وكان متحممممممممس: على طووووووووووول
قلتلهم: كلمة رياييل
قالوا ثنيناتهم: كلمة ريياييل
قلتلهم: يزاكم الله خييير و العشم ما يخيب فيكم( وما قدرت اكمل والله من فرحتي)
قالي مشكوره اختي
وسرت وانا ادعيلهم من خاطري
وطبعا خبرت اهلي وربيعتي وخالاتي وكلهم يقولولي وهم يضحكون لو خليتي الريال يتكلم من البدايه جان وفرت هالمحاضره الطويله
قالتهم ماعليه اجر ان شاء الله كنا في مجلس ذكر هههههههههه
الله يوفقه الريال الطيب وربيعه على حسن اخلاقهم ويجعلهم ممن يرافق النبي صلى الله عليه وسلم في الجنه هم وجميع موظفين وادارييين جمعية الاتحاد
ويوفقهم في تجارتهم ويبارك لهم في مالهم ويزيدهم من نعيمه ويكتب لهم في كل خطوه التوفيق والبركه ويفغر لهم ذنوبهم ويجعل مساكنهم اعالي الجنان و يرحمهم يوم لا ينفع مال ولا بنون الا من اتى الله بقلب سليم
خواتي ادعولهم من خاطركم والل يجعلهم قدوه لغيرهم
واذا بتسيرون تكلمون المسؤولين عشان يتمسكون بقرارهم ويخلون المقاطعه ابديه
وسبحانك اللهم وبحمدك اشهد ان لا اله الا انت استغفرك واتوب اليك
ريحتي قلبي والله
يعني خلاص؟
اسكر الموضوع هذا؟
والله يكثر من امثالج
المشاركة الأصلية كتبت بواسطة اناناسة 
ريحتي قلبي والله
يعني خلاص؟
اسكر الموضوع هذا؟
الله يريحج دنيا واخره
ضحكتيني والله
المشاركة الأصلية كتبت بواسطة واثقة الخطى والله يكثر من امثالج
يزاج الله خير الغاليه
والله يكثر من امثالج