شحالكن خواتي؟
اليوم يايبه لكم جيز كيك بالأوريو كل من ذاقها تخبل عليها 
بحطلكم المقادير والطريقه بالصور.. واسمحوليه على الصور بس لاني مصوره من كيمرة الموبايل >.<
نبتدي بالمقادير:
بقسم المقادير لثلاث اقسام عشان اسهل عليكن
مقادير القاعده:
كوب ونص بسكويت اوريو مطحون
ملعقتين طعام زبدة مارجرين
مقادير الخلطه:
3 علب جبنة فيلادلفيا الحجم العادي
كوب سكر
ملعقه ونص صغيره فانيلا
كوب whipping cream
3 بيضات
كوب بسكويت اوريو مطحون أو مكسر (انا افضل المطحون)
مقادير التزيين وتعتبر اساسيه:
علبة نوتيلا وسط
وعلبة قشطه
وهاي صوره بالمقادير كلها
احين ني للطريقه وبننتدي الطريقه ب 3 اقسام على حسب المقادير:
طريقة القاعده:
نحط البسكويت المطحون + كمية الزبده ونعينها عدل
وعقب نفردها عدل في صينية الجيز كيك (اللي تكون قاعدتها متحركه) ونتم نساويها بالخاشوقه عشان تكون طبقه متساويه
وخلصنا جيه من القاعده .. نخليها ونسير نسوي الخلطه
طريقة الخلطه:
نحط 3 علب الفيلادلفيا + كمية السكر + الفانيليا
نخلطهن بسرعه بالمكسر الكهربائي لين ما تتمازج كل المقادير
وخلال ما نخلطهن نضيف عليه ال whipping cream – بدون ما نوقف الخلط
ونخليه يخلط المقادير كلها تقريبا لمدة دقيقتين
عقب نضيف البيضات بالتدريج ونوطي على السرعه – نخليها بطيئه نوعا ما- المهم انج كل ما تضيفين بيضه تخلينها تنخلط مع الخليط وعقب نضيف الثانيه ونفس الشي بالنسبه للثالثه
وعقب ما تتمازج المقادير نوقف الخلط ونضيف مقدار البسكوت المطحون
نخلطه يدويا بالخاشوقه.. وبيستوي عندنا بهالصوره
عقب نسير ونصبه على القاعده
طبعا نصب المقدار كامل
عقب نحطها في الفرن على درجة 100 سيليزيه ونكون فاتحين اللي فوق وتحت ونخليها ما بين 45 – 50 دقيقه
عقب انطلعها من الفرن.. عقب ما اطلعينها تتأكدين انه الاطراف مش لاصقه على الجوانب.. اذا لاصقه فججيها بالسجين وحطيها في الثلاجه ما لا يقل عن 6 ساعات ^_^
عقب ست ساعات
نسير عشان نسوين الخلطه الأخيره واللي هي عباره عن نوتيلا + قشطه
تذوبين النوتيلا في حمام ساخن وعقب ما يذوب ضيفي القشطه وخلطيه
ظهري الكيكه من الثلاجه وحطيها في صينية التقديم وصبي عليها خليط النوتيلا
طبعا بتشوفون الحلاوه ساحت بس عادي هي تكون جيه ^_^
في النهايه زينيتها على مزاجي بهالصوره
وبس ^_^
عليكم بالعافيه ^_^
تسلمين الغلا ع الطريقه 
المشاركة الأصلية كتبت بواسطة Farouha 
الله يسلمج ^_^ جربيها وخبريني برايج فيها
المشاركة الأصلية كتبت بواسطة شوقي ذبحني تسلمين الغلا ع الطريقه
وحتى طعمها.. وحده واثقه
الله يسلمج فديتج.. ومشكوره عالمرور ^_^
؟؟؟؟؟؟؟؟
ونخليها ف الثلاجه ولا الاحسن ف الفريزر؟
مشكورة وما قصرتي